نۇرسۇلتان نازاربايەۆ قاۋىپسىزدىك كەڭەسىنىڭ حاتشىسىن قابىلدادى
كەزدەسۋ بارىسىندا مەملەكەت باسشىسى قاۋىپسىزدىك كەڭەسىنىڭ ۇلتتىق قاۋىپسىزدىكتى، زاڭدىلىق پەن قۇقىقتىق ءتارتىپتى قامتاماسىز ەتۋ، سونداي- اق ەلىمىزدىڭ قورعانىس قابىلەتىن نىعايتۋ سالاسىنداعى مەملەكەتتىك ساياساتتى ۇيلەستىرۋدى جۇزەگە اسىراتىن ارنايى ورگان ەكەنىن اتاپ ءوتتى.
«قاۋىپسىزدىك كەڭەسى تۋرالى جاڭا زاڭ كەڭەستىڭ وكىلەتتىگىن مەيلىنشە كەڭەيتەدى. وسىعان بايلانىستى نورماتيۆتىك قۇقىقتىق بازانى، سونىڭ ىشىندە قۇقىق قورعاۋ جانە ارنايى قىزمەت ورگاندارىنىڭ جۇمىسىن رەتتەيتىن قۇجاتتاردى ەگجەي- تەگجەيلى زەرتتەۋ قاجەت» ، - دەدى قازاقستان پرەزيدەنتى.
ع. بايجانوۆ نۇرسۇلتان نازاربايەۆقا قاۋىپسىزدىك كەڭەسىنىڭ كەزەكتى وتىرىسىن وتكىزۋگە دايىندىق بارىسى جونىندە مالىمدەدى.
كەزدەسۋ سوڭىندا مەملەكەت باسشىسى قاۋىپسىزدىك كەڭەسىنىڭ الداعى جۇمىستارى جونىندە ءبىرقاتار ناقتى تاپسىرما بەردى.