تالدىقورعاندا تۇڭعىش رەت قوشقار چەمپيوناتى ءوتتى
ەتتى باعىت بويىنشا ءبىرىنشى ورىندى اقسۋ اۋدانىنىڭ قىزىلاعاش اۋىلىنداعى بەرىكبول بازاربايەۆتىڭ 93 كەلى تارتاتىن قوشقارى جەڭىپ السا، ال ءجۇندى باعىت بويىنشا 1- ورىن قاراتال اۋدانىنىڭ «باقىت- قاراتال» شارۋا قوجالىعىنا بۇيىردى. ولار اكەلگەن قوشقاردىڭ سالماسى 102 كەلى. جالپى ەكى باعىتتا وتكەن سايىستا قوشقارلاردىڭ بويى، جاسى، كەۋدەسىنىڭ كولەمى، سالماعى ەسەپتەلدى. ال قازىلار القاسىنىڭ مۇشەلەرى اراسىندا اۋىل شارۋاشىلىعى مينيسترلىگى مال شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ەركەبۇلان احمەتوۆ، اۋىل شارۋاشىلىعى عىلىمدارىنىڭ دوكتورى نۇرلان مالماقوۆ سىندى ماماندار بولدى.
تالدىقورعاندا تۇڭعىش رەت قوشقار چەمپيوناتى ءوتتى«بۇل قازاقتىڭ بيازى ءجۇندى، قاراتال ءتيپى قوشقارى 12-14 كەلىگە دەيىن، ال ساۋلىعى 5-6 كەلى ءجۇن بەرەدى. ال ءجۇننىڭ نارىقتاعى باعاسى 1000 تەڭگە. قازىرگى كۇندە جۇنگە دەگەن سۇرانىس وتە كوپ. جىلىنا 30 توننا ءجۇن وتكىزەمىز. بۇيىرتسا، وسى تۇقىمدى كوبەيتىپ، الداعى ۋاقىتتا ەكسپورتقا شىقساق دەگەن ماقساتىمىز بار. قازىرگى كۇنى 7 مىڭعا جۋىق قويىمىز بار» ، - دەدى ءجۇندى باعىت بويىنشا ءبىرىنشى ورىن العان «باقىت- قاراتال» شارۋا قوجالىعىنىڭ ديرەكتورى سەرجان باقىت ۇلى.
جەڭىمپازدارعا 1-ورىنعا 150 مىڭ تەڭگە، ەكىنشى ورىنعا 100 مىڭ تەڭگە، ءۇشىنشى ورىنعا 50 مىڭ تەڭگە بەرىلدى. ال تۇڭعىش رەت ۇيىمداستىرىلعان شارانى «قازىنا» اگروحولدينگى ۇيىمداستىردى.
تالدىقورعاندا تۇڭعىش رەت قوشقار چەمپيوناتى ءوتتى «بۇل شارانىڭ نەگىزگى ماقساتى - ءبىزدىڭ كومپانيانىڭ قۇرىلعاننان بەرگى 11 جىل ىشىندە جەتكەن ناتيجەسىن كورسەتۋ. 11 جىل ىشىندە ءبىز شاعىن شارۋاشىلىقتان اگروحولدينگكە اينالدىق. وسى شارانى وتكىزۋگە ق ر اۋىل شارۋاشىلىعى مينيسترلىگى مەن «اتامەكەن» ۇ ك پ قولداۋ ءبىلدىردى. باستاپقىدا بىزدە 93 باس بولعان. قازىر 2,5 مىڭ باس اسىل تۇقىمدى شارۋاشىلىققا جەتكىزدىك. ونىڭ ىشىندە 1900 باس انالىق باس، 600 باس تازا اسىل تۇقىمدى قوشقارلار. ءبىزدىڭ نەگىزگى تۇقىمىمىز گەمپشير جانە سۋففولك، نەمەسە قازاقي تەز جەتىلەتىن قوشقار. مەن سول تۇقىمنىڭ نەگىزگى اۆتورلارىنىڭ ءبىرى بولامىن. وسى تۇقىم بولىپ بەكىتىلىپ شىققانىنا بەس جىلدىڭ كولەمى بولدى. تەك ەتتى باعىتتا عانا جۇمىس ىستەيمىز، ويتكەنى الەمگە تاماق كەرەك. جاڭا جارىستا كوردىڭىزدەر، مەرينوس قويلارىن ۇستايتىندار رەنجىمەسىن، بۇل قوشقارلاردىڭ سالماعى 80 نەن ءارى اسپاي جاتتى» ، - دەدى «قازىنا» اگروحولدينگىنىڭ ءتوراعاسى الماسبەك سادىربايەۆ.
تالدىقورعاندا تۇڭعىش رەت قوشقار چەمپيوناتى ءوتتى سونداي- اق مينيسترلىكتەن كەلگەن دەپارتامەنت باسشىسى سۋبسيديا الۋدىڭ جولدارى جانە باعدارالامالار جايلى شارۋا قوجالىقتارىنا ايتىپ بەردى.