استانادا قابانباي باتىر داڭعىلى جابىلادى

استانا. قازاقپارات - قابانباي باتىر داڭعىلىنىڭ دوستىق كوشەسىنەن باستاپ د. قونايەۆ كوشەسىنە دەيىنگى ارالىعىندا ورتاشا جوندەۋ جۇمىسى جۇرگىزىلەدى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

قالالىق كولىك جانە جول- كولىك ينفراقۇرىلىمىن دامىتۋ باسقارماسىنىڭ مالىمەتىنشە، 26 -قىركۇيەكتە كەشكى ساعات 21:00 دەن 27 - قىركۇيەكتە 07:00 گە دەيىن اتالعان ۋچاسكەدە كولىك قوزعالىسى جابىلادى.

قۇرىلىسشىلار قولايسىزدىققا بايلانىستى كەشىرىم سۇراي وتىرىپ، كەپتەلىس تۋدىرماۋ ءۇشىن قالا تۇرعىندارى مەن قوناقتارىنان جول قوزعالىسى باعىتتارىن الدىن الا جوسپارلاپ الۋىن سۇرايدى.