تۇرمىسقا شىققان ەركە ەسماحاننىڭ ءسىڭلىسى ءوزىن «ۇسقىنسىز» دەگەندەرگە جاۋاپ بەردى

None
None
  استانا. قازاقپارات - تاياۋدا تۇرمىس قۇرىپ، قازنەتتى شۋلاتقان ەركە ەسماحاننىڭ سىڭلىسىنە جەلى قولدانۋشىلارى جاعىمسىز پىكىردى قارشا بوراتقان.

ءبىر كۇندە جەلى جۇلدىزىنا اينالىپ شىعا كەلگەن اقبوپە ءابدىراش مۇندايدى كۇتپەسە كەرەك. ول ءوزىن «ۇسقىنسىز» دەپ سىناعاندارعا جاۋاپ بەردى، دەپ جازادى Stan.kz.

اقبوپە ەركە ەسماحان سياقتى تانىمال بولماسا دا، ول دا ونەر ادامى. تاڭداعان جارى دا بۇل الەمنەن الىس ەمەس. تيمۋر ەسىمدى جىگىت بىلىكتى رەجيسسەر. ونەردە جۇرگەن قوس عاشىقتىڭ ومىرگە دەگەن كوزقاراسى دا ەرەكشە. تيمۋر مەن اقبوپە ۇيلەنۋ تويلارىنا وزگەشە ستيلدە كيىنىپ كەلگەن. بەس توننا ماكياج، ءساندى شاش ۇلگىسى مەن ۇزىن كويلەكتەن باس تارتقان اقبوپە بۇل كۇنى رەترو ءستيلدى تاڭداعان. الايدا جەلى قولدانۋشىلارى بويجەتكەننىڭ بۇل ارەكەتىن ەرسى دەپ تاپسا كەرەكتى.

«سىزدەر قالاي عانا ادامدى ادەمى، ۇسقىنسىز دەپ اجىراتا الاسىزدار؟ ەگەر ءسىز سولاي بولەتىن بولساڭىز، قۇدايعا قارسى كەلگەنىڭىز عوي؟ ! ءبىزدى، ءسىزدى جاراتقان قۇداي. وسىنداي ميعا قونبايتىن پىكىرلەرىڭىزدى قۇدايعا جازىپ كورىڭىز، ءبىراق جاۋاپتى انا دۇنيەدە الاسىز. ادامنىڭ ءبارى ادەمى. ويتكەنى ءبىز قۇدايدىڭ جاراتىلىسىمىز.

تيمۋر مەنەن دە ادەمى، كوزدەرى ءداۋ، ەڭسەلى، دەنەلى، بويى ۇزىن، شاشى قالىڭ، قۇلاعى ءشامشىنىڭ قۇلاعىنداي، داۋسى جۋان، تىرناقتارى ادەمى. ەڭ باستىسى، جۇرەگى عاجاپ. سەندەرگە ءتۇر ماڭىزدى بولسا، ماعان جۇرەگى، ونىڭ تاربيەسى، ماعان سىبىرلاپ ايتاتىن سوزدەرى ماڭىزدى.

سەندەر تەرەڭ ويلاي المايتىن، تايىزدا قالقىپ جۇرگەنگە ءماز بولا بەرەتىن ادامسىزدار. نە دەيمىن؟ قۇداي اياسىن سەندەردى. تيمۋر باسىندا مالعۇنداردىڭ اڭگىمەسىن كورىپ، دەپرەسسياعا ءتۇسىپ قالعان. ءبىراق ءۇش ساعاتتان كەيىن دەپرەسسيادان، پىكىرلەرىڭىزدەن ىشىمىز پىسىپ كەتتى» - دەپ اشىندى اقبوپە.

Stan.kz

سوڭعى جاڭالىقتار