ميلليونەردىڭ ۇلى بايلىق ءۇشىن اكەسىن ءولتىرىپ تاستادى
بۇل تۋرالى BBC News اگەنتتىگىنە سىلتەمە جاساپ Stan.kz اقپارات اگەنتتىگى حابارلايدى.
كانادالىق MillardAir اۋە كومپانياسىنىڭ باسشىسى ۋەين ميللارد 2012 -جىلى ءوز ۇيىندە قايتىس بولعان. ونىڭ ۇلى دەللەن ميللارد پوليسياعا اكەسىنىڭ كۇيزەلىس پەن ماسكۇنەمدىكتەن زارداپ شەككەنىن ايتىپتى. وسىلايشا، ميلليونەر وزىنە قول جۇمسادى دەپ مويىندالىپ، 27 جاستاعى دەللەن اكەسىنىڭ بايلىعىن يەلەنىپ، كومپانيا باسشىلىعىنا كەلدى.
جارتى جىلدان كەيىن دەللەننىڭ 32 جاستاعى كانادالىق تيم بوزمانىڭ ءىز- ءتۇزسىز جوعالۋىنا قاتىسى بار ەكەنى انىقتالدى. ميلليونەردىڭ مۇراگەرى بوزمانىڭ قولدانىلعان كولىگىن ساتاتىنى تۋرالى حابارلاندىرۋىن كورىپ، حابارلاسادى. ارتىنشا ولار كەزدەسىپ، بوزما دەللەنگە كولىگىن ايداپ كورۋىنە رۇقسات بەرىپتى. ول كولىككە ميلليونەردىڭ ۇلىمەن بىرگە وتىرعان. مۇنان كەيىن بوزمانى ەشكىم كورمەپتى.
ءبىراز ۋاقىتتان كەيىن بوزمانىڭ كولىگى دەللەنىڭ اناسىنا تيەسىلى ءۇيدىڭ ماڭىنان تابىلعان. كولىكتىڭ سالونىنان كۇل مەن بوزمانىڭ قانى تابىلعاننان كەيىن، ميلليونەردىڭ مۇراگەرىنە «كىسى ءولتىردى» دەگەن ايىپتالدى. مۇنان سوڭ پوليسيا ونىڭ بۇرىنعى قىزىنىڭ جوعالىپ كەتۋىنىڭ ءمان- جايىن قايتا تەكسەرە باستاپتى.
دەللەننىڭ تانىسى لاۋرا بابكوك ميلليونەر ۋەين ميللاردتىڭ ولىمىنەن 3 اي بۇرىن جوعالىپ كەتكەن. انىقتالعانداي، دەللەن جاڭا سۇيىكتىسىنە «لاۋرانى ومىرىمىزدەن جوق قىلامىن» دەپ ۋادە بەرىپتى. الايدا بويجەتكەننىڭ ءمايىتى تابىلمادى. تەرگەۋشىلەردىڭ پىكىرىنشە، دەللەن قوقىستى ورتەيتىن پەش ساتىپ الىپ، ءوز قۇرباندارىنىڭ دەنەسىن ورتەپ جىبەرگەن.
2016 -جىلى ول بوزمانىڭ ولىمىنە كىنالى دەپ تانىلىپ، ءومىر بويىنا باس بوستاندىعىنان ايىرىلدى. ءبىر جىلدان كەيىن بابكوكتىڭ ءولىمى ءۇشىن، وعان تاعى دا ءومىر بويىنا باس بوستاندىعىنان ايىرۋ جازاسى كەسىلدى.
ميلليونەر ۋەين ميللاردتىڭ ءولىمىن قايتا تەرگەۋ كەزىندە ونىڭ مۇردەسىنىڭ جانىنان تابىلعان تاپانشا دەللەنگە تيەسىلى بولعانى انىقتالى. سونىمەن قاتار قارۋدان دەللەننىڭ د ن ق- سى تابىلىپتى. تەرگەۋشىلەردىڭ مالىمەتىنشە، اكەسى بار اقشاسىن جاڭا بيزنەسىنە سالماق بولعاندىقتان، ۇلى وعان كەدەرگى كەلتىرۋ ءۇشىن، ءولتىرىپ تاستاعان.
Stan.kz