تۇماۋعا قارسى ەكپە قانداي جاعدايدا اسقىنۋى مۇمكىن
«ۆاكسيناتسيا جاساۋ كەزىندە توپ نەمەسە بريگادا جۇمىس ىستەيدى. سونداي- اق ونىڭ قۇرامىنا مىندەتتى تۇردە تەراپيەۆت كىرەدى. ويتكەنى، ول ەكپە جاساۋ الدىندا جۇگىنگەن ادامدى تەكسەرىپ، ساۋالناما جۇرگىزەدى، دەنە قىزۋىن ولشەيدى. ەڭ باستىسى، ادام سول ۋاقىتتا اۋرۋعا شالدىقپاعان، دەنى ساۋ بولۋى ءتيىس» ، - دەدى ول.
ونىڭ ايتۋىنشا، ءجىتى رەسپيراتورلىق ۆيرۋستىق ينفەكتسيامەن اۋىرىپ جۇرگەن ادامعا ۆاكسينا ەگەتىن بولسا، وندا سىرقات اسقىنىپ كەتۋى مۇمكىن.
«سونىمەن قاتار تۇماۋمەن اۋىرىپ جۇرگەن كەزدە دەر ۋاقىتىندا دارىگەر كومەگىنە جۇگىنبەسە جانە ءوزىن- ءوزى ەمدەيتىن بولسا، وندا اۋرۋدىڭ اسقىنۋ تاۋەكەلى جوعارى. تولىقتاي العاندا، تۇماۋعا قارسى ۆاكسينا جاساتۋ قاۋىپتى ەمەس جانە ودان اۋرۋدىڭ اسقىنۋى ءىس جۇزىندە بولمايدى» ، - دەدى جانداربەك بەكشين.
ونىڭ سوزىنە قاراعاندا، الەمنىڭ كوپتەگەن ەلدەرىندە تۇماۋ مەن ءجىتى رەسپيراتورلىق ۆيرۋستىق ينفەكسياعا كوشەلەردە دە ەكپە جۇرگىزە بەرەدى.
«ءتىپتى، مەترو وتكەلدەرىندە، ۇيىمداردا دا سالا بەرەدى. بۇل تۇماۋعا قارسى ەكپەنىڭ قاۋىپسىز ەكەندىگىن بىلدىرەدى. ەرتەرەكتە ءبىز بىرنەشە مارتە قولدانىلاتىن شپريستى پايدالاناتىنبىز. ال قازىر شپريس- دوزا قولدانىلادى. سوندىقتان بۇگىندە ۆاكتسينا جاساتۋدان اسقىنۋ ورىن المايدى. ەگەر قىزارۋ نەمەسە تەمپەراتۋرانىڭ كوتەرىلۋى ورىن الاتىن بولسا، بۇل اعزانىڭ دۇرىس رەاكسياسى دەگەن ءسوز. ياعني، اعزا يممۋنيتەتتىڭ قاجەتتى دەڭگەيىن قالىپتاستىرادى. بۇل ادامنىڭ تۇماۋدىڭ بارىنشا اۋىر تۇرلەرىنەن جانە ولاردىڭ اسقىنۋىنان قورعالعاندىعىن بىلدىرەدى» ، - دەدى باس دارىگەر.