دونالد ترامپ يران بيلىگىن سىنادى

None
None
استانا. قازاقپارات - ا ق ش پرەزيدەنتى دونالد ترامپ يران بيلىگىن سىنعا الىپ، ونى وقشاۋلاۋعا شاقىردى، دەپ حابارلايدى «حابار 24» ارناسى.




  اق ءۇي باسشىسى مۇنداي پىكىردى ب ۇ ۇ- نىڭ جەتپىس ءۇشىنشى باس اسسامبلەياسىندا سويلەگەن سوزىندە ايتتى. ونىڭ مالىمدەۋىنشە، حالىقارالىق قاۋىمداستىق بۇل مەملەكەتتىڭ اگرەسسياسىنا جول بەرمەۋى ءتيىس. سوندىقتان قۇراما شتاتتار الداعى ۋاقىتتا يرانعا جاڭا سانكسيالار سالاتىنىن جەتكىزدى.

 الايدا يران پرەزيدەنتى حاسان رۋحاني ۆاشينگتون يرانعا قاتىستى دۇشپاندىق ساياسات ۇستانىپ وتىر دەپ، كورشى مەملەكەتتەرمەن بەيبىت قارىم- قاتىناستا ءومىر ءسۇرۋدى قالايتىنىن جەتكىزدى.

 دونالد ترامپ، ا ق ش پرەزيدەنتى:

 -  يران بيلىگى كورشى ەلدەردى قۇرمەتتەمەي، وزگە مەملەكەتتەردىڭ قۇقىقتارىن اياققا تاپتاپ وتىر. ولار سونداي- اق ءوز حالقىنىڭ بايلىعىن تالان- تاراجعا سالىپ، تاياۋ شىعىس پەن ودان تىس ايماقتاردا تۇراقسىزدىق تۋدىرۋدا.

حاسان رۋحاني، يران پرەزيدەنتى:

 -  مەن ا ق ش- تىڭ بىزگە قاتىستى ساياساتىنىڭ دۇرىس ەمەستىگىن ونىڭ يران حالقىنىڭ مۇددەسىنە قايشى ەكەنىن اشىق ايتقىم كەلەدى. بىردە- ءبىر مەملەكەت قىسىم ارقىلى كەلىسسوز جۇرگىزۋگە كەلىسپەيدى. ديالوگ ءوزارا قۇرمەت پەن كەلىسىم نەگىزىندە ءجۇرۋى ءتيىس.

 باس اسسامبلەياداعى سوزىندە ا ق ش پرەزيدەنتى وپەك- ءتى دە سىنعا الدى. ونىڭ ايتۋىنشا، مۇنايدى ەكسپورتتاۋشى ەلدەر قارا التىن باعاسىن رەتتەپ، الەمدى توناپ وتىر. سوندىقتان مۇنداي جاعدايعا جول بەرمەيتىنىن ايتىپ، وپەك- تەن مۇناي قۇنىن تۇسىرۋگە شاقىردى.

www.24.kz

سوڭعى جاڭالىقتار