فرانسيا پرەزيدەنتى: يران مۇنايىنىڭ ەكسپورتتالعانى ءتيىمدى
فرانسيا پرەزيدەنتى ەممانيۋەل ماكرون ب ۇ ۇ باس اسسامبلەياسىنىڭ 73-سەسسياسىندا وسىلاي دەپ مالىمدەدى. ونىڭ ايتۋىنشا، ا ق ش يرانعا سانكسيا سالماسا، مۇناي باعاسى قازىرگىدەي قىمباتتامايتىن ەدى. سونداي- اق ول ماسەلە مۇنايعا قاتىستى بولعاندا، ساياساتتان بۇرىن ەكونوميكانىڭ باسىم بولۋى ءتيىس ەكەنىن ايتتى.
ەممانيۋەل ماكرون، فرانسيا پرەزيدەنتى:
- مەن ا ق ش پرەزيدەنتى دونالد ترامپتىڭ مۇناي باعاسىنا قاتىستى پىكىرىنە مىنانى ايتقىم كەلەدى. قارا التىن نارىعى ءۇشىن يراننىڭ مۇنايدى ەكسپورتتاعانى دۇرىس. بۇل بەيبىتشىلىك ءۇشىن عانا ەمەس، الەمدىك مۇناي باعاسى ءۇشىن دە ءتيىمدى. نارىق سۇرانىس پەن ۇسىنىسقا تاۋەلدى. بۇل - ەكونوميكالىق زاڭدىلىق.
ايتا كەتەيىك، ا ق ش بيىل مامىر ايىندا 2015 -جىلى يرانمەن التى مەملەكەت جاساعان يادرولىق كەلىسىمنەن شىعىپ، بۇل ەلگە سانكسيالاردى قايتا قالپىنا كەلتىرگەن. ءبىراق قۇجاتتى بەكىتكەن وزگە ەلدەر امەريكانىڭ بۇل شەشىمىنە قارسىلىق ءبىلدىرىپ، تەگەرانمەن بايلانىستى جالعاستىرا بەرەتىنىن مالىمدەدى.
http://24.kz/kz