حالىقتىق سپورت ويىندارى: ۇزدىك وڭىرلەر انىقتالدى
ءتورت جىلدا ءبىر رەت ۇيىمداستىرىلاتىن حالىقتىق جارىستار بيىل 21-25- قىركۇيەك ارالىعىندا ءوتتى. وندا وڭىرلەردەن 2,5 مىڭنان استام سپورتشى 13 سپورت تۇرىنەن باسەكەگە ءتۇستى.
ناتيجەسىندە، جالپى كوماندالىق ەسەپتە ءبىرىنشى ورىنعا استانا قۇراماسى يە بولدى. ەكىنشى جانە ءۇشىنشى ورىندارعا سايكەسىنشە الماتى مەن شىمكەنت قالالارىنىڭ وكىلدەرى ورنالاستى.
استانا قۇراماسىنىڭ ساپىندا 113 ادام ونەر كورسەتتى. جۇگىرۋدە سپورتتىق باعدارلاۋ كومانداسى مەن اسىق اتۋدان ەرلەر كوش باستادى. بەس تاس ويىنىندا ايەلدەر قۇراماسى ەكىنشى ورىندى يەلەنسە، گىر تاسىن كوتەرۋدەن «قولا» بۇيىردى.
ايتا كەتەيىك، ەلوردالىقتار ۆولەيبول، جاعاجاي ۆولەيبولى، شاعىن فۋتبول، ۇستەل تەننيسى جانە قازاق كۇرەسى سىندى سپورت تۇرلەرىنەن قارسىلاستارىنا ەسە جىبەرىپ الدى.
«سپورتشىلار ەلوردامىزدىڭ قازاقستاننىڭ قارجىلىق جانە مادەني ورتالىعى عانا ەمەس، سونداي-اق سپورتتىق استانا اتانۋعا لايىق ەكەندىگىن دالەلدەدى. بۇل ءبارىمىز ءۇشىن زور ماقتانىش»، - دەدى استانا قالاسىنىڭ مادەنيەت جانە سپورت باسقارماسىنىڭ باسشىسى بولات ماجاعۇلوۆ.
ەسكە سالايىق، 2014-جىلى ق ر پرەزيدەنتىنىڭ سىيلىعى ءۇشىن حالىقتىق سپورت ويىندارى وسكەمەن قالاسىندا ءوتتى.