كانادالىق سپورتشىلار دەنيس تەننىڭ قۇرمەتىنە ارناپ ونەر كورسەتتى

استانا. قازاقپارات - ​كانادالىق مانەرلەپ سىرعاناۋشىلار كەيتلين ۋيۆەر مەن ەندريۋ پوجە وكۆيللدەگى Autumn Classic International حالىقارالىق تۋرنيرىندە دەنيس تەننىڭ قۇرمەتىنە ارناپ ونەر كورسەتتى.

ولار уبي ءۇشىن «SOS، d"un terrien en detresse» ءانىن تاڭداعان. دەنيس تەن وتكەن جىلى جاراقات العاننان كەيىن وسى انمەن مۇز ايدىنىنا قايتا ورالعان بولاتىن.

ۋيۆەر مەن پوجە بۇل مۋزىكانى دەنيس تەننىڭ شوۋىندا ونەر كورسەتۋ ءۇشىن قازاقستانعا كەلگەندە ەستىگەن.

«بۇل ءبىزدىڭ ويىمىزدان شىقپاي قويدى. ءبىز ۇيگە كەلىپ، باعدارلامانى ءاننىڭ باسقا نۇسقاسى بويىنشا جاسادىق. تراگەديا ورىن العاندا ءبىز بۇنى دەنيس ءۇشىن جاساۋىمىز كەرەكتىگىن تۇسىندىك» - دەيدى ۋيۆەر.

ولار سونداي-اق داينىدىقتىڭ وڭاي بولماعانىن ايتادى. ۋيۆەر مەن پوجەنىڭ ونەرىن قازىلار 120.74 بالعا باعالاعان. تۋرنير قورىتىندىسى بويىنشا سپورتشىلار 197,27 بالمەن التىن مەدال العان.