قوستانايدا تاقيالار كورمەسى ءوتتى
كورمەدە ءبىر- بىرىنە ۇقساس تاقيالار بولعان جوق، ءارقايسىسى ءوز سانىمەن ەرەكشەلەنىپ تۇردى. ءار تاقيا ءساندى جىپتەرمەن، پايەتكالارمەن، ءىرى مونشاقتارمەن جانە بيسەرلەرمەن بەزەندىرىلگەن.
ءار حالىقتىڭ تاقياعا دەگەن ءوز تالابى بار. تاقيانى تەك ازيادا عانا ەمەس، كاۆكازدا دا كيەدى.
«ءبىز العاش رەت تاقيالار كورمەسىن ۇيىمداستىردىق. كورمەدە ءتۇرلى ۇلتتاردىڭ، حالىقتاردىڭ 20-دان استام تاقيا ءتۇرى ۇسىنىلدى. مىسالى، قازاقتىڭ تاقياسى كونۋس ءتارىزدى بولىپ كەلسە، وزبەكتەردىكى ءتورتبۇرىشقا ۇقسايدى»، - دەيدى قازاق دياسپوراسىنىڭ وكىلى ايجان بەكمانوۆا.
قوستانايدا تاقيالار كورمەسىنەن بولەك، باۋىرساقتار كورمەسى دە العاش رەت ءوتتى.
«مۇندا ءتۇرلى حالىقتاردىڭ 10 ءتۇرلى باۋىرساعى ۇسىنىلدى. ولاردىڭ ىشىندە تاتار، گرەك، باشقۇرت، قازاق، قىرعىز باۋىرساقتارى بار. ولاردىڭ ءدامى دە ەرەكشە. بال قوسىلعانى دا، كۇنجىت قوسىلعانى دا جوق ەمەس»، - دەپ ءتۇسىندىردى قوستاناي وبلىستىق دوستىق ءۇيىنىڭ باسپا ءسوز حاتشىسى ولگا گوراي.
شارا كونسەرتتىك باعدارلاماعا ۇلاستى.