10:06, 27 - قىركۇيەك 2018 | GMT +6
بايلانىسى مىقتى مەملەكەتتىڭ قورعانىسى دا قۋاتتى - داۋرەن ابايەۆ
استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ استاناداعى مەديا اپتالىق - «Astana Media Week» شاراسىن اشتى، دەپ حابارلايدى قازاقپارات ءتىلشىسى.
«ەلباسى نۇرسۇلتان نازاربايەۆ وتاندىق مەديا سالاسىن دامىتۋعا ءاردايىم ايرىقشا كوڭىل ءبولىپ وتىرادى. وسىمەن ەكىنشى رەت ءوتىپ وتىرعان Astana Media Week ەلىمىزدە عانا ەمەس، ايماقتا دا مەديا نارىقتى قالىپتاستىرۋعا جانە ودان ارى دامىتۋعا سەرپىن بەرەدى دەپ سەنەمىن. ويتكەنى ەلوردامىزدىڭ تورىندە قازاقستاندىق بۇقارالىق اقپارات قۇرالدارى وكىلدەرىنەن بولەك، شەتەلدىك ارىپتەستەر دە ءوز ويلارىن ورتاعا سالادى. بۇل شارانىڭ نەگىزگى ماقساتى - وتاندىق مەديا نارىقتى جان- جاقتى دامىتۋ عانا ەمەس، مادەني جانە اقپاراتتىق بايلانىستاردى دا تەرەڭدەتۋ. بايلانىسى مىقتى مەملەكەتتىڭ قورعانىسى دا قۋاتتى»، - دەدى د. ابايەۆ اپتالىقتىڭ سالتاناتتى اشىلۋ راسىمىندە.
اۆتور: ارمان اسقاروۆ