09:54, 27 - قىركۇيەك 2018 | GMT +6
ابەل سانچەس گولوۆكيننىڭ جاسى تۋرالى: شىنايى كوزبەن قاراۋىمىز ءتيىس
استانا. قازاقپارات - قازاقستاندىق بوكسشى گەننادي گولوۆكيننىڭ باپكەرى ابەل سانچەس On The Ropes Boxing Radio عا بەرگەن سۇحباتىندا مەكسيكالىق ساۋل الۆارەسپەن ءوتۋى ىقتيمال ءۇشىنشى ايقاسقا قاتىستى پىكىر ءبىلدىردى.
بۇل تۋرالى Sports.kz حابارلادى.
- كەلەر جىلى گەننادي 37 جاسقا تولادى. ءسىزدىڭ پىكىرىڭىزشە، كەلەسى جولى جاس ەرەكشەلىگىنىڭ فاكتورى ءوز ىقپالىن تيگىزۋى مۇمكىن بە؟
- «جوق» دەپ ايتقىمىز كەلەدى. ءبىراق ءبىز شىنايى كوزبەن قاراۋىمىز ءتيىس. بۇل جولى ولار - ءارقايسىسى جاقسى كۇيدە بولدى. ايتىلىپ وتىرعان ماسەلە بەلگىلى ءبىر ءرولىن ويناۋى مۇمكىن. دەگەنمەن ءدال سولاي بولادى دەپ ويلامايمىن. مەنىڭشە، ەكەۋى دە ءبىر-بىرىنە باعىتتالعان. ماركەس پەن پاكياو سياقتى، ەگەر ولار كۇش-جىگەرلەرىمەن ايقاستىڭ سونداي ءتۇرىن كورسەتە السا. ءبىراق ايىرماشىلىقتى بايقايسىزدار دەپ ويلامايمىن.
ەسكە سالايىق، گولوۆكين مەن الۆارەستىڭ العاشقى جەكپە-جەگى بىلتىر تەڭ اياقتالعان بولاتىن. بيىلعى رەماتچتا تورەشىلەردىڭ باسىم داۋىسىمەن جەڭىس مەكسيكالىق بوكسشىعا بەرىلدى.