تارازدىق ديزاينەردىڭ كوللەكتسياسى ميلان تورىندە كورسەتىلدى
وندا الەمگە ايگىلى برەندتەر مەن كوللەكتسيالاردىڭ كورسەتىلىمى بولدى. Milan Fashion Week ءسان اپتالىعىنىڭ رەسمي باعدارلاماسىندا تارازدىق ديزاينەر ايدارحان قاليەۆتىڭ دە ماۋسىمدىق كيىم ۇلگىلەرى كورسەتىلدى، دەپ حابارلايدى قازاقپارات ZhambylNews كە سىلتەمە جاساپ.
ايدارحان قاليەۆ ايتۋلى شاراداعى كورسەتىلىمىن «تاراز پەرىشتەلەرى» دەپ اتادى. ديزاينەر وندا «كوكتەم-جاز-2019» ماۋسىمدىق كوللەكتسياسىن كوپشىلىك نازارىنا ۇسىندى.
شىعارماشىلىق كورسەتىلىمنىڭ نەگىزى رەتىندە سانگەر پەرىشتە وبرازىن تاڭداعان.
«شىعىس سۇلۋىنىڭ عاجايىپ پەن قۇپياعا تولى بەينەسى پەرىشتەنى ەسكە سالادى. سوندىقتان، مەن ءوز كوللەكتسيامدى «تاراز پەرىشتەلەرى» دەپ اتادىم. كوللەكتسياداعى ءسان ۇلگىلەرى شىعىستىق ستيلدە ازىرلەندى. وعان قولونەر شەبەرلەرى بەزەندىرگەن جەڭىل، جىلتىر ماتالار پايدالانىلدى. شىعىس جىگىتتەرى قىز بالاسىنا انا، بولاشاق جار دەپ ەرەكشە قۇرمەت كورسەتكەن. ياعني، ءبىزدىڭ ۇعىمىمىزدا ايەل وبرازى پاك تە نازىك سەزىممەن قاتار جۇرەدى. سوندىقتان، كوللەكتسياداعى كيىم ۇلگىلەرىنە الداعى ماۋسىمدا سانگە اينالاتىن اق ءتۇس قولدانىلدى»، - دەيدى ديزاينەر.
ميلاننان سوڭ جەرلەسىمىزدىڭ تۋىندىلارى قازان ايىندا تاراز قالاسىندا وتەتىن «Taraz - اspara fashion week» ءسان اپتالىعىنىڭ سالتاناتتى اشىلۋىندا كورسەتىلمەك.
ايتا كەتۋ كەرەك، «Taraz - اspara fashion week» حالىقارالىق ءسان اپتالىعىنا قاتىسۋعا 19 مەملەكەتتەن 30 دان استام ديزاينەر نيەت ءبىلدىرىپ وتىر.