استاناعا كەلەتىن كولىكتەردەن اقى الۋ جۇيەسى قاراستىرىلۋدا

استانا. قازاقپارات - ەلورداعا سىرتتان كەلەتىن كولىكتەردەن اقى الۋدى تەك تاڭەرتەڭ ۇيىمداستىرۋ كوزدەلىپ وتىر، باسقا ۋاقىتتا كولىكتىڭ كەز كەلگەن ءتۇرى ءۇشىن جول ءجۇرۋ تولىعىمەن تەگىن بولادى، دەپ حابارلايدى قازاقپارات ەلوردا ينفوعا سىلتەمە جاساپ.

قالانىڭ جول جەلىسىنە جۇكتەمەنى تومەندەتۋ ماقساتىندا قالاعا اقىلى كىرۋ جوباسى پىسىقتالۋ ۇستىندە. بۇل تۋرالى قالالىق ءماسليحاتتا استانا اكىمىنىڭ ءبىرىنشى ورىنباسارى سەرگەي حوروشۋن ءمالىم ەتتى.

«جۇرگىزىلگەن زەرتتەۋلەر مەن استاناعا كەلەتىن كولىكتىڭ كەشەندى تالداۋى كورسەتكەندەي تاڭعى 7 مەن 9 ارالىعىندا كولىك ساناتىنا بايلانىستى كىرۋدىڭ اقىلى بولۋىن ەنگىزۋ كولىك قۇرالدارى قوزعالىسى اعىنىنىڭ ورتاشا جىلدامدىعىن 15-20 عا ارتتىرۋعا مۇمكىندىك بەرەدى. اتالعان جوبانى جۇزەگە اسىرۋ م ج ءا اياسىندا جوسپارلانعان»، - دەپ ءتۇسىندىردى اكىمنىڭ ءبىرىنشى ورىنباسارى.

ونىڭ ايتۋىنشا، اقىلى كىرۋدى تەك تاڭعى جۇمىسقا بارۋ ۋاقىتىندا ۇيىمداستىرۋ جوسپارلانۋدا، باسقا ۋاقىتتا كولىكتىڭ كەز كەلگەن ءتۇرى ءۇشىن جول ءجۇرۋ تولىعىمەن تەگىن بولادى.

بۇگىنگى تاڭدا، ونىڭ سوزىنشە، قالاعا كۇن سايىن التى ماگيسترال (استانا-قاراعاندى، استانا-قوستاناي، استانا-پاۆلودار، استانا-قوسشى، استانا-قورعالجىن، استانا-كوكشەتاۋ) بويىنشا ورتا ەسەپپەن 82 مىڭ ماشينا كەلىپ كەتەدى.

نەگىزگى جۇكتەمە تاڭعى ساعات 07.00 دەن 10.00 گە دەيىن - 13,5 مىڭ كولىك (شامامەن %17) كەلەدى.