ىستانبۇلدا «الەم ازاماتىن» تاڭدايدى

انكارا. قازاقپارات - TRT تۇركيا تەلەراديوكومپانياسى العاش رەت بيىل «الەم ازاماتى» - TRT World Citizen ماراپاتىن تابىستايدى.

بۇل ماراپات ادامزات الدىنداعى ەڭبەگى ءۇشىن تابىس ەتىلەدى، دەپ حابارلايدى انادولى اگەنتتىگى.

ماراپاتتاۋ ءراسىمى ءۇشىنشى قازان كۇنى ىستانبۇلدا وتەدى. ءىس-شاراعا قۇرمەتتى قوناق رەتىندە تۇركيا پرەزيدەنتىنىڭ جۇبايى ەمينە ەردوعان قاتىسادى.

سالتاناتتى راسىمدە بيزنەسمەندەر، ساياساتكەرلەر مەن الەمنىڭ تۇكپىر-تۇكپىرىنەن كەلگەن عالىمدار بولادى.

ءتورت نوميناتسيا - «ءبىلىم بەرۋ»، «كوممۋنيكاتسيا»، «تابىس» جانە «الەم ازاماتى» بويىنشا جەڭىمپازدار انىقتالادى.

بۇدان بولەك، TRT World Citizen قىسقا مەتراجدى فيلمدەر كونكۋرسىنىڭ قورىتىندىسى بويىنشا ءۇش رەجيسسەرگە ماراپات تابىستالادى. ولاردىڭ فيلمدەرى 110 ەلدىڭ ءتورت مىڭنان اسام تۋىندىسىنان ىرىكتەلەدى.