استانادا ىشىندە اجەتحاناسى بار جىلى ايالدامالار ورناتىلادى
قالالىق ءماسليحات وتىرىسىندا اكىم ورىنباسارى سەرگەي حوروشۋن اتاپ وتكەندەي، قالادا 1265 ايالداما بار. ونىڭ 897 پاۆيلونمەن جابدىقتالعان، ونىڭ ىشىندە 39 ى جىلى پاۆيلون.
جىل اياعىنا دەيىن بيۋجەت قاراجىسىنا 55، ال مەملەكەتتىك - جەكەشەلىك ارىپتەستىك اياسىندا 31 جىلى ايالداما ورناتۋ جوسپارلانعان.
كەلەر جىلى ينۆەستورلاردىڭ ەسەبىنەن جاڭا ۇلگىدەگى تاعى 200 دەي جىلى ايالداما ورناتۋ كوزدەلىپ وتىر. وندا Wi-Fi ورناتىلادى، اۋا الماستىرۋ، جىلۋ جۇيەسىمەن جابدىقتالادى، سونداي-اق اجەتحاناسى بولادى. ايالدامادا اۆتوبۋستىڭ ءجۇرۋ باعىتى مەن كەلەتىن ۋاقىتى كورسەتىلىپ تۇرادى.
ال بۇرىنعى اشىق پاۆيلوندار قالا سىرتىنداعى ايالدامالارعا ورناتىلادى. قالعان 228 جاراقتالماعان ايالداما پاۆيلونىنىڭ 140 نا پاۆيلون قويۋ مۇمكىن ەمەس.
«ولار بويىنشا جۇمىستار جۇرگىزىلەتىن بولادى. ايالداما ورنالاسقان جەرلەردى قايتىپ الۋ جانە قاجەتتى جۇمىستار ءجۇرۋ كەرەك. بۇل جۇمىستاردى ءبىز جەدەلدەتۋگە تىرىسامىز»، - دەدى س. حوروشۋن.