استانادا ۇلى دالا ونەرىنە ارنالعان كورمە اشىلدى
لەيلا ماحاتتىڭ « ۇلىلىققا تاعزىم» اتتى كورمەسىندە 16 سۋرەت پەن 9 گرافيكالىق جۇمىس قويىلعان.
كورمەنىڭ تاقىرىبى مەن تۇجىرىمداماسى نەگىزىندە سۋرەتشى ءوز شىعارماسىندا ءارتۇرلى كەسكىندەمە تەحنيكالارىن قولدانعان. گرافيكالىق جۇمىستىڭ سەرياسىنداعى «ەجەلگى قۇدايلارعا تابىنۋ» ەرەكشە ورىن الادى. سونداي-اق ونىڭ جۇمىسىنداعى تاعى ءبىر نازار اۋدارارلىق تۋىندى - «اسپان مەن جەر» سەرياسى.
«بيلىك كۇشەيەدى، قۇلدىرايدى، اڭىزدار ۇمىتىلادى، ال اسپان ءبىزدىڭ ميلليونداعان جىلدار بويى ءبىزدى باقىلاپ تۇرادى. جەر ادامزاتتىڭ پاناسى مەن قورەك قورىنىڭ مەكەنى. مەن ءۇشىن ادەمى اسپان تۋعان جەرىمنىڭ اسپانى. سونىمەن قاتار مەنى قىزىقتىراتىن تاقىرىپ ەجەلگى وركەنيەت مادەنيەتى. ەجەلگى بەينەلەۋ ونەرىنىڭ ەسكەرتكىشتەرى مەن ءۇشىن زەرتتەۋ تاقىرىبى عانا ەمەس، ۇمىتىلعان ءبىلىمدى دە ءتۇسىنۋدىڭ ءتاسىلى رەتىندە ءارقاشان قىزىقتى»، - دەيدى لەيلا ماحات.
كورمەنىڭ ەكىنشى بولىمىندە جاس سۋرەتشى قانات نۇرتازيننىڭ «شەكسىز» اتتى شىعارماشىلىق جۇمىستارى بار. ونىڭ تۋىندىلارى «سوفت-ارت» (Software Art) قارىم-قاتىناس ونەرى، ستريت-ارت (Street Art) ۆي-دجەي (VJ Art)، ستاكيزم (Stuckism)، تويزم (Toyism)، فانيزم (Funism)، ماسس- سيۋررەاليزم (Massurrealism) باعىتتارىنا ارنالعان.
قاناتتىڭ كورمەسىندە بارلىعى 100 گە جۋىق سۋرەت، 10 ينستالياتسيا جانە 40 پورترەت قويىلعان.
«
شىعارماشىلىق جۇمىستارىمدى Instagram جەلىسىندە بولىسۋدەن باستادىم. ءبىراق كارتينالارىم كورمە ۇيىمداستىرۋعا اكەلەدى دەپ ويلاعان ەمەسپىن. ءبىر سۋرەتتى سالۋعا 1 ساعاتتان 1-2 كۇنگە دەيىن ۋاقىت كەتەدى. مەنىڭ جۇمىستارىمنىڭ سۇرانىسقا يە بولۋى قازىرگى زامانعا ساي ستيلدە جاسالعاندىقتان دەپ ويلايمىن. بۇل سۋرەتشى رەتىندە العاشقى كورمەم، الداعى ۋاقىتتا شىعارماشىلىعىمدى قوعامداعى ماڭىزدى تاقىرىپتارعا ارناپ جالعاستىرسام دەيمىن»، - دەيدى ول.
ايتا كەتەيىك، كورمە استانادا جۋىردا وتەتىن الەمدىك جانە ءداستۇرلى دىندەر كوشباسشىلارى سەزىنە وراي «قۇلانشى» قازىرگى زامانعى ونەر ورتالىعىنىڭ ۇيىمداستىرۋىمەن ءوتتى.
