بيشىمبايەۆتىڭ كوتتەدجى مادەنيەت ۇيىنە اينالادى
اكىمدىكتىڭ مالىمەتى بويىنشا استانانىڭ ىرگەسىندەگى قوسشى اۋىلىندا ەكس-مينيستر قۋاندىق بيشىمبايەۆتىڭ اڭشى ءۇيىنىڭ اۋماعى 500 شارشى مەتر. بۇل كوتتەدجدە ۇلكەن حولل، ءۇش جاتىن بولمە، مونشا جانە اشىق باسسەين بار.
استانا قالاسى قىلمىستىق ىستەر بويىنشا مامانداندىرىلعان اۋدانارالىق سوتىنىڭ شەشىمىنە سايكەس سەلينوگراد اۋدانى اكىمدىگىنىڭ 2018-جىلدىڭ 7- قىركۇيەكتەگى قاۋلىسىمەن اتالمىش نىسان اۋداندىق مادەنيەت ءۇيىنىنىڭ بالانسىنا بەرىلگەن.
«قازىرگى كەزدە، كوتتەدجدى مادەنيەت ءۇي رەتىندە قايتا جابدىقتاۋ جۇمىستارى جۇگىزىلۋدە. جاقىندا ءىشىن جيناستىرىپ، تازالادىق. مادەنيەت ۇيىنە قاجەتتى قۇرالدارمەن جابدىقتالۋدا. جىل سوڭىنا دەيىن نىساندى پايدالانۋعا بەرەتىن بولامىز. وندا 20 ادام جۇمىس ىستەپ، 10 ۇيىرمە ۇيىمداستىرۋ جوسپارلانعان. بۇل قوسشى اۋىلىنداعى العاشقى مادەنيەت ءۇيى بولادى»، - دەپ ءتۇسىندىردى سەلينوگراد اۋداندىق مادەنيەت جانە تىلدەردى دامىتۋ ءبولىمىنىڭ باسشىسى ايگۇل ءسۇيىنجانوۆا قازاقپارات ءتىلشىسىنىڭ ساۋالىنا.
ەسكە سالا كەتەيىك، 2018-جىلعى 14- ناۋرىزىندا استانا قالاسى قىلمىستىق ىستەر بويىنشا مامانداندىرىلعان اۋدانارالىق سوتىنىڭ ۇكىمىمەن بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ مۇلكىنىڭ تاركىلەنۋىمەن 10 جىلعا سوتتالعان بولاتىن.