دوللار باعامى قايتا شارىقتاي باستادى

استانا. قازاقپارات - دوللار باعامى 24- قىركۇيەكتەن باستاپ قايتا شارىقتاي باستادى. بۇگىنگى ساۋدا اينالىمى بويىنشا «امەريكالىقتىڭ» قۇنى 357,28 تەڭگەنى قۇرادى دەپ حابارلايدى NUR. KZ.

سەيسەنبى كۇنى ۇلتتىق ۆاليۋتانىڭ باعامى ەكى سەسسيا قورىتىندىسى بويىنشا ءبىر دوللارعا 366,54 تەڭگە بولدى.

Kurs.kz اقپاراتى بويىنشا، ايىرباستاۋ نۇكتەلەرىندە دوللار 357-359 تەڭگەدەن ساتىلعان.

ال ءبىر كۇن بۇرىن KASE كۇندىزگى سەسسياسىندا ۇلتتىق ۆاليۋتا 355,12 دوللارعا تۇسكەن ەدى. تاڭەرتەڭ ساۋدا اينالىمىندا امەريكالىق اقشا بىرلىگى 352,9 تەڭگە بولعان.