قازاقستاندا اراققا سۇرانىس تومەندەپ، سىرا ىشەتىندەر كوبەيگەن

استانا. قازاقپارات - قازاقستاندا اراققا دەگەن سۇرانىس تومەندەي باستاعان. ال سىراعا، كەرىسىنشە، وسكەن دەپ حابارلايدى Tengrinews.kz.

مۇنداي اقپاراتتى «قازالكو» اسسوتسياتسياسىنىڭ پرەزيدەنتى ءامىرحان قاليەۆ ءمالىم ەتتى. ايتۋىنشا، اراققا دەگەن سۇرانىس ەلىمىز تاۋەلسىزدىك العالى بەرى تومەندەپ كەلەدى.

سالالىق كاسىپورىندار سانى دا ءبىرشاما ازايعان. ماسەلەن 2000-جىلدارى 52 بولسا، قازىر نەبارى 14-15 ەكەن.

مامان الكوگولدىك ىشىمدىك ساتىلىمىنىڭ السىرەۋىن حالىقتىڭ ۇلتتىق داستۇرگە بەت بۇرا باستاۋىمەن بايلانىستىرادى.

«سوڭعى ۋاقىتتا ەلىمىزدەگى تويلار الكوگولسىز وتەتىن بولعان»، - دەيدى ۇيىم باسشىسى.

الايدا، قازاقستاندىقتار سىرانى كوبىرەك ساتىپ الاتىن بولعان دەيدى مامان.