قازاقستان مەن كۋۆەيت اراسىندا تىكەلەي اۋە بايلانىسى ورناتىلادى

استانا. قازاقپارات - استانادا قازاقستان رەسپۋبليكاسىنداعى كۋۆەيت مەملەكەتىنىڭ توتەنشە جانە وكىلەتتى ەلشىسى تاريك ابدۋللا ءال-فاراج بەن ق ر ي د م ازاماتتىق اۆياتسيا كوميتەتىنىڭ ءتوراعاسى تالعات لاستايەۆ كەزدەستى، دەپ حابارلايدى قازاقپارات.

كەزدەسۋ بارىسىندا تاراپتار قازاقستان مەن كۋۆەيت اراسىنا تىكەلەي اۋە بايلانىسىن ورناتۋ ماسەلەسىن تالقىلادى.

قازىرگى ۋاقىتتا ەكى ەلدىڭ بەلگىلەنگەن اۋە كومپانيالارى استانا مەن كۋۆەيت قالالارى اراسىنا اپتاسىنا 7 جولاۋشى / جۇك جانە ارالاس رەيستەردى ورىنداۋعا قۇقىلى. كۋۆەيت تاراپىنان «Kuwait Airways»، «Wataniya Airways» جانە «Jazeera Airways» اۋە كومپانيالارى رەيس اتقارادى.

كەزدەسۋ قورىتىندىسى بويىنشا، قوس تاراپ قازاقستان مەن كۋۆەيت اراسىنداعى اۋە قاتىناسى تۋرالى ۇكىمەتارالىق كەلىسىمگە قول قويۋعا جانە باسقا دا جۇمىستاردى جالعاستىرۋعا كەلىستى.