جەتى رەت شايان شاققان جاڭا تۋعان ءسابي ءتىرى قالدى

 استانا. قازاقپارات - برازيليادا جاڭا تۋعان ءسابيدى جەتى رەت اسا قاۋىپتى شايان شاعىپ، ءتىرى قالدى، دەپ حابارلايدى Daily Mail.

وقيعا ەلدىڭ شىعىسىنداعى بايا شتاتىندا بولعان. اناسى قىزىن شومىلدىرىپ بولىپ، وعان جايالىقشا كيگىزگەن. ول جايالىقشادا شايان بارىن بىلمەگەن. سابيگە دەم جەتپەي قالعاندىقتان، اناسى ونى رەفليۋكس دەگەن ويمەن اۋرۋحاناعا الىپ بارعان.

 دارىگەرلەر نارەستەنى تەكسەرۋ كەزىندە كىندىك جاعىن جەتى رەت شاققان شاياندى تاپقان. بالاعا التى دوزا ۋعا قارسى ءدارى ەككەن، الايدا ونىڭ ءتىرى قالۋى ەكىتالاي ەدى.

 ءسابي بىرنەشە كۇن جانساقتاۋ بولىمىندە جاتىپ، تولىقتاي ايىعىپ كەتتى. دارىگەرلەردىڭ ايتۋىنشا، بالا شايان شاققاننان كەيىن ەكى ساعاتتىڭ ىشىندە ۋعا قارسى ءدارى ەگۋدىڭ ارقاسىندا امان قالعان.