بيلل گەيتس قارجىسىن قايدا جۇمسايدى؟
Forbes جۋرنالىنىڭ الەمدەگى باي ادامدار رەيتينگى بويىنشا ەكىنشى (90 ميلليارد دوللار) ساتى بيلل گەيتسكە تيەسىلى. الايدا قازىر ول اقشا تابۋدان گورى، جوقشىلىقپەن كۇرەسۋگە ەرەكشە ءمان بەرۋدە. گەيتس وسيەت حاتىنا سايكەس ونىڭ ءۇش بالاسىنىڭ ءارقايسى تەك 10 ميلليون دوللاردان الادى. ال قالعان اقشاسى قايىرىمدىلىق قورىنا اۋدارىلادى.
قايىرىمدىلىق
1994 -جىلى بيلل مەن مەليندا گەيتس ءبىلىم مەن دەنساۋلىقتى ساقتاۋدى قولداۋ، كەدەيلەرگە كومەك بەرۋ ماقساتىندا ۋيليام گەيتس قورىن قۇردى. 2013 -جىلى قور قارجىسى 34,6 ميلليارد دوللاردى قۇرادى. 2010 -جىلى گەيتس بارلىق ميللياردەرلەرگە بايلىعىنىڭ جارتىسىن قايىرىمدىلىققا جۇمساۋ جايلى ۇسىنىس تاستاعان. ونىڭ بۇل ۇسىنىسىن 40 ميللياردەر قولداعان ەدى.
ونەر
گەيتس 1994 -جىلى لەوناردو دا ءۆينچيدىڭ «لەستەر كودەكسى» كىتابىن 30 ميلليون دوللارعا ساتىپ العان. كودەكس 2003 -جىلدان بەرى سيەتلدەگى مۇراجايدا ساقتاۋلى تۇر.
ۋنيۆەرسيتتەر
گەيتس ستەنفورد ۋنيۆەرسيتەتىندە ءوزىنىڭ اتىنداعى كومپيۋتەر عيماراتى قۇرىلىسىنا 6 ميلليون دوللار بولگەن. عيماراتتا ينفورماتيكا ءپانى جانە كومپيۋتەرلىك جۇيەلەر زەرتحاناسى بار. 1999 -جىلى گەيتس ماسساچۋسەتس تەحنولوگيا ينستيتۋتىندا كومپيۋتەرلىك زەرتحانانىنىڭ قۇرىلىسى ءۇشىن 20 ميلليون دوللار بولگەن.
ۆەگەتارياندارعا ارنالعان ەت
ءدامى جاعىنان ەتكە ۇقسايتىن جاساندى ەت جاساپ شىعارۋمەن اينالىساتىن Impossible Foods جوباسىنا بيلل گەيتس 2013-2017 -جىلدار ارالىعىندا 208 ميلليون دوللار اقشا ءبولىپ، قارجىلاي قولداپ وتىرعان. ميللياردەر سونىمەن بىرگە، 2015 -جىلى لوس- انجەلەستەگى ازىق- تۇلىك وندىرەتىن Beyond Meat زاۋىتىنا دا 17 ميلليون دوللار قارجى بولگەن.
قوقىستار
Waste Management كومپانياسى قوقىستاردى تازالاۋ مەن ولارعا قاتىستى ەكولوگيالىق قىزمەتتەردى اتقارادى. بيلل جانە مەليندا گەيتستەر قورى كومپانيانىڭ 1,46 ميلليارد دوللارلىق اكتسياسىنا يەلىك ەتەدى. پەتيتسيا الەمنىڭ 196 ەلىندە 150 ميلليوننان ارتىق پايدالانۋشىسى بار Change.org سايتى 2014 -جىلى گەيتس جانە باسقا ينۆەستورلاردان 30 ميلليون دوللار العان.
ەنەرگەتيكا
2015 -جىلى بيلل گەيتس پەن مارك تسۋكەربەرگ ەنەرگەتيكانىڭ تازا التەرناتيۆتى كوزدەرىن تابۋعا جانە دامىتۋعا ينۆەستيتسيا تارتۋ ءۇشىن Breakthrough Energy Coalition قورىن قۇردى. 2018 -جىلى گەيتس كومپانيا مەن عيماراتتاردى ەلەكترمەن قامتاماسىز ەتۋ ءۇشىن جوعارى ءتيىمدى گەنەراتورلاردى وندىرۋگە ارنالعان EtaGen ستارتاپىنا ينۆەستيتسيا سالعان. ەنەرگيامەن بايلانىستى تاعى ءبىر جوبا - Varentec. بۇل قالاداعى ەلەكتر جەلىسىن ءتيىمدى باسقارۋدى قامتاماسىز ەتەدى. گەيتس 2014 جانە 2015 -جىلدارى وسى ستارتاپقا ينۆەستيتسيا سالعان.
قاتەرلى ىسىك دياگنوزى
2016 -جىلى نەگىزى قالانعان Grail كومپانياسى قان تالداۋى ارقىلى قاتەرلى ىسىكتىڭ باستاپقى كەزەڭىن انىقتاۋعا ارنالعان تەحنولوگيانى دامىتۋمەن اينالىسادى. كومپانياعا گەيتس، دجەفف بەزوس جانە بيلل ماريس قارجىلاي كومەك كورسەتكەن.
كريپتوۆاليۋتالار
2017 -جىلدىڭ قازان ايىندا بيلل مەن مەليندا گەيتس Ripple كريپتوۆاليۋتا جوباسىن قولدادى. Bloomberg-كە بەرگەن سۇحباتىندا گەيتس ساندىق ۆاليۋتالاردىڭ كەدەيلىكتى ازايتۋعا كومەكتەسەتىنىن ايتقان.
التسگەيمەر اۋرۋىن ەمدەۋ
2017 -جىلدىڭ قاراشاسىندا ميللياردەرلەر اقىل- ەسى كەمدەردى دياگنوستيكالاۋ قورىنا 50 ميلليون دوللار ينۆەستيتسيا بولگەن.
اقىلدى قالا
2017 -جىلى گەيتسكە تيەسىلى Cascade Investment Invest Group كومپانياسى اريزوناداعى "اقىلدى" بەلمونت قالاسىنىڭ دامۋى ءۇشىن شامامەن 80 ميلليون دوللار ءبولىپ، قارجىلاي كومەك قولىن سوزعان.
تۇماۋ
2018 -جىلدىڭ ءساۋىر ايىندا گەيتس Google كومپانياسىنىڭ نەگىزىن قالاۋشىلاردىڭ ءبىرى لارري پەيدجبەن بىرىگىپ تۇماۋعا قارسى امبەباپ ۆاكتسينا جاساۋ ءۇشىن 12 ميلليون دوللار بولەتىنىن مالىمدەدى. مۋتانت شىبىندار گەنەتيكالىق
موديفيكاتسيالانعان شىبىندار
ءتىرى شىبىنداردى ولتىرەدى. گەيتس بەزگەكتى جويۋ ماقساتىندا 2018 -جىلى مۋتانت شىبىنداردى جاساپ شىعارۋ ءۇشىن 4 ميلليون دوللار ينۆەستيتسيا سالۋعا شەشىم قابىلدادى.
ءبىلىم
2018 -جىلى گەيتس اقش- تا ءبىلىم بەرۋ باعدارلامالارىنا 460 ميلليون دوللار ءبولدى.
Massaget.kz