قازاقستاندىق بيزنەس تۋرالى ۇزدىك ماتەريال جاريالاعان تىلشىلەر ماراپاتتالدى
بايقاۋدى «اتامەكەن» ۇ ك پ ۇيىمداستىرىپ وتىر. ساراپشىلار كوميسسياسى قازاقستاننىڭ تۇكپىر-تۇكپىرىنەن 300 گە تارتا ماتەريالدى قابىلداعان. بايقاۋدىڭ جالپى قورى - 2,28 ميلليون تەڭگە. بايقاۋ ءتورت نوميناتسيا بويىنشا ۇيىمداستىرىلىپ، تورەشىلەر 300 ەڭبەكتىڭ ىشىنەن ۇزدىك 16 سىن تاڭداپ العان. ءبىرىنشى ورىن العاندار 300 مىڭ تەڭگەگە يە بولسا، ەكىنشى ورىن يەلەنگەندەرگە 200 مىڭ تەڭگە، ءۇشىنشى ورىن يەگەرلەرىنە 100 مىڭ تەڭگە تابىستالدى.
كوميسسيا مۇشەلەرى اتاپ وتكەندەي، ەڭبەكتەردىڭ كوبى «باسپا ءسوز بەتتەرىندەگى ۇزدىك تالداۋ ماتەريالدارى» نوميناتسياسى بويىنشا ۇسىنىلعان. بايقاۋعا قازاقستاننىڭ بارلىق ايماقتارىنان ماتەريالدار كەلىپ تۇسكەن. ۇيمىداستىرۋشىلاردىڭ ايتۋىنشا، باعالاۋ كەزىندە ءادىل قازىلار ماتەريالدىڭ شىنايىلىعىنا، جاڭاشىلدىعىنا، ايقىندىلىعى مەن اقپاراتتىڭ سەنىمدىلىگىنە، سونىمەن بىرگە ءتىلشىنىڭ ەتيكالىق قاعيداتتارىنا سايكەستىگى ەسەپكە الىنعان.
«مۇنداي بايقاۋلار البەتتە كەرەك. ايماقتىق تىلشىلەردىڭ دە ەڭبەگى باعالانۋى كەرەك. جۋرناليستەردىڭ جۇمىسىن باعالايتىن كوميسسيا قۇرامىنا رەداكتورلار، بەلگىلى تىلشىلەر ەندى»، - دەيدى قازىلاردىڭ ءتوراعاسى، پۋبليتسيست نامازالى وماشەۆ.