قالىڭدىق قىزويناق كەزىندە قابىرعاعا سوعىلىپ كوز جۇمدى
تراكتوردىڭ رۋلىندە قالىڭدىقتىڭ 25 جاستاعى ءىنىسى پاتريك وتىرعان ەكەن. جولدىڭ بۇرىلىسىندا تىركەمە اۋدارىلىپ قالىپ، بويجەتكەن تاس قابىرعاعا سوعىلعان.
بۇل تۋرالى The Daily Mail باسىلىمىنا سىلتەمە جاساپ Stan.kz اقپارات اگەنتتىگى حابارلايدى.
ياسمين تىكۇشاقپەن لينتسانىڭ اۋرۋحاناسىنا جەتكىزىلدى. اۋىر جاعدايدا جاتقان بويجەتكەنگە وتا جاسالعان. الايدا بىرنەشە كۇن وتكەننەن كەيىن قالىڭدىق كوز جۇمدى.
وقيعا كەزىندە تىركەمەدە 15 قىز بولعان. قالىڭدىقتىڭ ءسىڭلى مەن قۇربىسى ءالى دە اۋرۋحانادا جاتىر. تاعى 5 بويجەتكەن اۋىر، جەتەۋى جەڭىل جاراقات العان.
اۋستارليالىق ب ا ق مالىمەتىنشە، قالىڭدىقتىڭ ءىنىسى قارسى الدىنان شىققان ۆەلوسيپەدپەن سوقتىعىسپاس ءۇشىن، بىردەن بۇرىلعان ەكەن. ءدال وسى جايت اپاتقا سەبەپ بولعان.
قازىرگى ۋاقىتتا پوليتسيا وقيعاعا قاتىستى تەرگەۋ امالدارىن جۇرگىزىپ جاتىر.
قالىڭدىق توي كويلەگىن كيگەن كۇيىندە جەر قوينىنا تاپسىرىلدى.
Stan.kz