اتاعى جەر جارعان الەمدەگى ەڭ باي اكتريسا ءىز-ءتۇزسىز جوعالىپ كەتتى

 استانا. قازاقپارات - قىتايدا الەمدەگى ەڭ قىمبات اقى تولەنەتىن اكتريسالاردىڭ ءبىرى جوعالىپ كەتكەن.

الايدا ءۇش ايدان بەرى ونىڭ ءىسى بويىنشا تەكسەرۋ جۇرگىزىلىپ، كۋاگەرلەردەن جاۋاپ الىنباعان دەپ حابارلايدى Life.ru سايتىنا سىلتەمە جاساعان NUR. KZ.

«ليۋدي يكس» فيلمىنىڭ جارىق جۇلدىزى، 37 جاستاعى فان بينبين سوڭعى رەت ءۇش اي بۇرىن تۋىستارىمەن حابارلاسىپ، الەۋمەتتىك جەلىدە وقىرماندارىمەن بايلانىسقان.

كەي مالىمەتتەرگە سۇيەنسەك، فان قىتايدىڭ «قارا تۇرمەسىنە» جابىلعان. وندا ەل ازاماتتارىنا دۇرىس ۇلگى كورسەتپەي جۇرگەندەردى وتىرعىزاتىن كورىنەدى. ايىپتىلاردى ءتۇن ورتاسىندا ەشكىمگە كورسەتپەي الىپ كەتىپ، وعان كۇش كورسەتەدى ەكەن. ازىرگە مودەلدىڭ ەل باسشىلىعىنا نەسىمەن ۇناماي قالعانى بەلگىسىز. كوپشىلىك ونىڭ بايلىعى مەن اتاعى تىم اسقاقتاپ كەتكەن شىعار دەگەن بولجام ايتۋدا.

فان بينبين «ليۋدي يكس» فيلمىنە تۇسكەن سوڭ الەمدىك دارەجەدە تانىلا باستاعان. ەكى جىل وتكەن سوڭ ونىڭ تابىسى 13 ميلليون ەۋروعا جەتىپ، ەڭ باي اكتريسالار تىزىمىندە بەسىنشى ورىنعا تۇراقتاعان.

وسى جىلى ول پەنەلوپا كرۋزبەن بىرگە «355» دەگەن تريللەردە ويناپ شىقتى. سونداي-اق سۇلۋ ايەل Louis Vuitton, De Beers, Champagne House جانە Chopard luxury watches سياقتى تانىمال برەندتەردى تانىستىراتىن.

ال باسقا بولجامدار بويىنشا، ونىڭ جوعالىپ كەتۋىنە سەبەپ بولعان سوتتاعى داۋ-دامايلار ەكەن. وتكەن جىلى فان ەلدىڭ ۆيتسە-پرەزيدەنتى ۆان تسيشانمەن قارىم-قاتىناسى تۋرالى قاۋەسەت تاراعان سوڭ سوت كومەگىنە جۇگىنگەن. سونداي-اق ول جىلجىمايتىن مۇلىكتەر ارقىلى زاڭسىز كەلىسىمدەر جاساپ، پارا الدى دەگەن كۇدىككە ىلىنگەن.

سونداي-اق فان سالىق تولەۋدەن جالتارعانى ءۇشىن دە قامالعان بولۋى مۇمكىن. جەرگىلىكتى ب ا ق مالىمەتىنشە، ونىڭ سالىقتاعى بەرەشەگى 5,9 ميلليون ەۆروعا جەتىپ، تەرگەۋگە الىنعان.

ايتا كەتەيىك، ونىڭ سۇيىكتىسى دە مودەلمەن بىرگە جوعالىپ كەتتى.