ساعىنتايەۆ مينيستر قاسىموۆتان قىلمىس دەڭگەيىن پاتەر سانىمەن ولشەمەۋدى سۇرادى

None
None
استانا. قازاقپارات - ق ر ىشكى ىستەر مينيسترلىگى اقپاراتتىق تۇرعىدان اشىق بولۋى قاجەت. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا پرەمەر-مينيستر باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.

«ەگەردە ءبىز حالىقتىڭ الدىنا شىعىپ، جاساعان جۇمىسىمىزداعى كەمشىلىكتەردىڭ نەگىزى حالىقتىڭ وسۋىنەن، بولماسا پاتەرلەردىڭ كوپ سالىنۋىنان دەپ ايتار بولساق، وندا ەشكىم تۇسىنبەيدى. وندا، الدىن الا جوسپارلايىق. مىسالى، بيىل 12 ميلليوننان استام تەكشە مەتر ءۇي سالىندى دەلىك. وندا قالمۇحانبەت نۇرمۇحانبەت ۇلى (ىشكى ىستەر ءمينيسترى - اۆت) تۇرعىزىلاتىن ءۇي سانى 10 پايىزعا ءوستى، ياعني قىلمىستىڭ سانى پالەنشە پايىزعا وسەدى دەپ الدىن الا جوسپارلايدى. مەنىڭ ويىمشا، بۇل دۇرىس ەمەس. پاتەردى كوپ سالدىق، سوندىقتان قىلمىس كوبەيدى، اۆتوكولىكتى كوپ ساتىپ العاندىقتان كولىك ۇرلىعى ءورشىدى دەيتىن بولساق، وندا ءبىز نە جۇمىسپەن اينالىسامىز؟»، - دەپ اتاپ ءوتتى ۇكىمەت باسشىسى.

سوندىقتان باقىتجان ساعىنتايەۆ اكىمدەرگە قۇقىق بۇزۋشىلىقتاردىڭ پروفيلاكتيكاسى جونىندەگى ۆەدومستۆوارالىق كوميسسيا وتىرىستارىن وتكىزىپ، وڭىرلەردەگى پروبلەمالاردى قاراستىرۋدى جانە قوعامدىق قاۋىپسىزدىكتى ايتارلىقتاي نىعايتۋعا ىقپال ەتەتىن شارالاردى قابىلداۋدى تاپسىردى.

«ىشكى ىستەر مينيسترلىگى اقپاراتتىق تۇرعىدان اشىق بولۋى قاجەت. قىلمىسقا قارسى كۇرەس، تولقىنىس تۋدىرعان قىلمىستاردى تەرگەپ- تەكسەرۋ، قوعامدىق قاۋىپسىزدىك ماسەلەلەرى بويىنشا ءى ءى م- ءنىڭ باسپا ءسوز ورتالىعىندا جاۋاپتى تۇلعالار جۇيەلى تۇردە بريفينگ وتكىزىپ تۇرۋى قاجەت. سونىمەن قاتار قوعامدىق كەڭەس جۇمىسىن جانداندىرۋىمىز ءتيىس. وسىنى سىزگە تاپسىرامىن. كەلەسى جىلى بۇل سۇراقتى قايتا قاراۋ ءۇشىن ۇكىمەت وتىرىسىنا شىعاراتىن بولامىز»، - دەدى پرەمەر-مينيستر ىشكى ىستەر ءمينيسترى قالمۇحانبەت قاسىموۆقا قاراتا.

سوڭعى جاڭالىقتار