ترامپ: كيم چەن ىنمەن كەزدەسۋگە قاتىستى مالىمەتتەر جاقىن ارادا جاريالانادى
بۇل تۋرالى اق ءۇي باسشىسى وڭتۇستىك كورەيا پرەزيدەنتى مۋن چجە ينمەن نيۋ- يوركتە كەزدەسۋ بارىسىندا مالىمدەدى.
ونىڭ ايتۋىنشا، ەكى ەل وكىلدەرى جاڭا سامميتتى وتكىزۋ ىسىمەن اينالىسىپ جاتىر. ءبىراق ەكىنشى باسقوسۋدىڭ قاي جەردە وتەتىنى ازىرگە بەلگىسىز. پرەزيدەنت ترامپ، سونداي- اق سولتۇستىك كورەيانىڭ يادرولىق قارۋسىزدانۋ باعىتىنداعى جۇمىستارىندا ىلگەرىلەۋشىلىك بار ەكەنىن جەتكىزدى.
ەسكە سالا كەتەيىك، ا ق ش پەن سولتۇستىك كورەيا باسشىلارىنىڭ العاشقى سامميتى بيىل 12 - ماۋسىمدا سينگاپۋردە وتكەن بولاتىن.
دونالد ترامپ، ا ق ش پرەزيدەنتى:
- جاڭا كەزدەسۋگە قاتىستى مالىمەتتەر جاقىن ارادا جاريالاناتىن بولادى. قازىر سامميت دايىندىعىمەن مايك پومپەو اينالىسىپ جاتىر. كەزدەسۋ وتەتىن جەر انىقتالۋدا. باسقوسۋ ءبىرىنشى سامميتتەگىدەي فورماتتا جۇرەدى. كەزدەسۋدىڭ تابىستى بولارىنا سەنىمىم مول. كيم ءتوراعا دا كەلىسىمشارت جاساۋعا ۇلكەن ىنتا- جىگەر تانىتىپ وتىر.
www.24.kz