قازۇۋ ماقساتى - الەمنىڭ جەتەكشى وقۋ ورنى اتانۋ

الماتى. قازاقپارات - ءال- فارابي اتىنداعى قازۇۋ الەمنىڭ جەتەكشى جوو- لارىنىڭ قاتارىنا ەنۋدى كوزدەپ وتىر. «مۇنداي ۋنيۆەرسيتەتتەر ءوز ەلىنىڭ، سونداي- اق بۇكىل ايماقتاردىڭ دامۋىن ايقىنداپ، جەتەكشى ەكونوميكالاردىڭ نەگىزگى سالالارى مەن باعىتتارىن ماماندارمەن قامتاماسىز ەتەدى» دەپ اتاپ ءوتتى ۋنيۆەرسيتەت رەكتورى عالىم مۇتانوۆ حالىق الدىنداعى ەسەپتىك كەزدەسۋدە.

رەكتور ۋنيۆەرسيتەت قىزمەتىنىڭ باعىتتارى، قول جەتكىزگەن جەتىستىكتەرى جانە مىڭداعان عالىمدار ۇجىمى، وقىتۋشىلار مەن ستۋدەنتتەردىڭ الدىندا تۇرعان ستراتەگيالىق مىندەتتتەر تۋرالى ەگجەي- تەگجەيلى باياندادى. قازۇۋ- نىڭ الەمدىك دەڭگەيدەگى زەرتتەۋ ۋنيۆەرسيتەتىنە ترانسفورماتسيالانۋ باعىتىمەن ماقساتتى تۇردە كەلە جاتقانى اتالىپ ءوتتى. بيىل ۋنيۆەرسيتەت QS حالىقارالىق رەيتينگىندە تاعى دا العا جىلجىپ، الەمنىڭ ەڭ ۇزدىك جوعارى وقۋ ورىندارى اراسىندا 220-ورىنعا يە بولدى. بۇل توپقا ت م د ەلدەرىنەن قازۇۋ مەن لومونوسوۆ اتىنداعى م م ۋ عانا كىرىپ وتىر.

«قازۇۋ ءوزىنىڭ حالىقارالىق باسەكەگە قابىلەتتىلىگىن كوتەرۋ جانە الەمنىڭ 200 ۇزدىك توپ ۋنيۆەرسيتەتى قۇرامىنا ەنۋ جونىندەگى ەل پرەزيدەنتىنىڭ تاپسىرماسىن ورىنداۋ جولىندا بەلسەندى جۇمىستار اتقارۋدا. ۋنيۆەرسيتەت وقۋ باعدارلامالارىنىڭ 90 پايىزى حالىقارالىق اگەنتتىكتەردىڭ اككرەديتاتسياسىنان ءساتتى ءوتتى. بىرنەشە وقۋ باعدارلاماسى «EUR-ACE® Label»  ەۋروپالىق ساپا بەلگىسىن يەلەنگەن. قازۇۋ - قوس ديپلوم بويىنشا شەتەلدىك جەتەكشى جوعارى وقۋ ورىندارىمەن 70-تەن اسا باعدارلامانى جۇزەگە اسىرىپ وتىرعان جالعىز ۋنيۆەرسيتەت»، - دەدى قازۇۋ باسشىسى باياندامادا.

ەكونوميكانى جاڭعىرتۋ جانە وندىرىسكە مامانداردى دايارلاۋعا باعىتتالعان 4.0 مەملەكەتتىك دامۋ باعدارلاماسى اياسىندا وسى وقۋ جىلىندا قازۇۋ- دا قاعيدا تۇرعىسىندا «ە- كوممەرتسيا» ، «سيفرلىق لينگۆيستيكا» ، «BIG DATA» ، «جاساندى ينتەللەكت» ، «گەوينفورماتيكا» ، «ينتەرنەت بۇيىم» ، «بيوينفورماتيكا» جانە ت. ب. جاڭا ءبىلىم بەرۋ باعدارلامالارى ەنگىزىلدى. سونداي- اق، ا ح  ق و جانە بەنحاليف ۋنيۆەرسيتەتىمەن (كاتار) بىرلەسە يسلام قارجىسى جانە بانكينگ بويىنشا باعدارلامالار ەنگىزىلۋدە. اعىلشىن تىلىندە 162 ماماندىق وقىتىلادى.

ۋنيۆەرسيتەت الدىڭعى قاتارلى تاجىريبەلەر ورتالىعىنا، يننوۆاتسيا مەن ناقتى ءوندىرىستىڭ، عىلىم مەن ءبىلىمنىڭ ورتاق ترانسفەرتىنە اينالۋدا. جوعارى تەحنولوگيالىق ءىرى كورپوراتسيالار ۋنيۆەرسيتەتتىڭ زەرتتەۋ جانە ءبىلىم بەرۋ جۇمىستارىنا بەلسەنە ارالاسادى.

 حالىقپەن ەسەپتى كەزدەسۋ بارىسىندا عالىم مۇتانوۆ الماتى قالاسىنىڭ تۇرعىندارى مەن ب ا ق وكىلدەرىنىڭ، وقىتۋشىلار، ستۋدەنتتەر جانە ولاردىڭ اتا- انالارىنىڭ سۇراقتارىنا جاۋاپ بەردى. ولاردىڭ تىلەك- ۇسىنىستارى ەسكەرىلىپ، ءتيىستى قىزمەتتەرگە نۇسقاۋ بەرىلدى.