باقىت سۇلتانوۆ استانالىقتاردىڭ باستى پروبلەماسىن قالاي شەشەتىنىن ايتتى

None
None
استانا. قازاقپارات - استانا قالاسىنىڭ اكىمى باقىت سۇلتانوۆ كولىك جۇيەسىن جاڭعىرتۋ ماسەلەلەرى قارالعان ءماسليحاتتىڭ كەزەكتى وتىرىسىندا ەلوردالىقتاردىڭ باستى تۇيىتكىلدەرىن اتادى، دەپ حابارلايدى قازاقپارات ەلوردا ينفو سايتىنا سىلتەمە جاساپ.

ءماسليحات وتىرىسىندا اكىم قالا ماڭىنداعى ەلدى مەكەندەردى دامىتۋعا ەكپىن بەرىلەتىنىن اتاپ ءوتىپ، الداعى ۋاقىتتا يلينكا مەن لەسوزاۆودتى ارالاپ كورەتىنىن جەتكىزدى. ونىڭ ايتۋىنشا، ەلوردادا كولىك كوللاپسى اسا وزەكتى بولىپ تابىلادى. ءبىراق ماسەلەنى شەشۋ وتە وڭاي.

«بۇگىن، قالا تۇرعىندارى مەن قوناقتارى ءۇشىن ءبىرىنشى كەزەكتە ىڭعايسىزدىق تۋدىرىپ وتىرعانى - كولىك كوللاپسى. اتا- انالار بالالارىن بالاباقشاعا، مەكتەپكە كۇندەلىكتى جەتكىزىپ سالعاندا مۇنى كورىپ وتىر. كەشە ادەيىلەپ 17 مەكتەپ پەن رەسپۋبليكالىق فيزيكو- ماتەماتيكالىق مەكتەپتىڭ جانىنان ءوتتىم. شىنتۋايتىندا، كوپتەگەن پروبلەمالاردىڭ شەشىمى وڭاي. تەك كابينەتتەردەن شىعىپ، كوشەنى ارالاپ، جاعدايدى قاعازعا ءتۇسىرۋ كەرەك. مەكتەپ باسشىلىعىمەن، اتا- انالارمەن كەزدەسىپ، كەلىسۋ قاجەت. كوپ جاعدايدا پروبلەمانى ءوزىمىز جاساپ وتىرمىز»، - دەدى ب. سۇلتانوۆ.

 اكىم مەكتەپتەر ماڭايىن قاراپ شىققاننان كەيىن ءبىرباعىتتى جولدار كولىك قوزعالىسىن دۇرىس ۇيىمداستىرۋعا مۇمكىندىك بەرەتىنىنە كوزى جەتكەنىن ايتتى. ونىڭ ەسەپتەۋىنشە، جارتى ساعاتتىڭ ىشىندە 85 پەن 80- مەكتەپتەر اينالاسىنا 70-80 كولىك جينالعان.

«ارينە، School Bus-تى ەنگىزۋ، قوعامدىق كولىك سانىن ۇلعايتۋ جانە جول قوزعالىسىن جەڭىلدەتۋ بويىنشا جۇيەلى شەشىمدەردى ويلاستىرىپ جاتىرمىز. تيىسىنشە، ماشينالار سانى ازاياتىن بولادى»، - دەپ قوستى ول.

 بۇعان دەيىن حابارلاعانىمىزداي، ءماسليحات وتىرىسىندا قالا اكىمىنىڭ ءبىرىنشى ورىنباسارى سەرگەي حوروشۋن الداعى ۋاقىتتا استانانىڭ سول جاعالاۋىندا التى اۆتوجول ءبىرباعىتتى بولاتىنىن ايتتى. بۇگىندە وڭ جاعالاۋدا ءبىر باعىتتاعى التى جول بار.

اۋدارما: ميرا تولەندى قىزى

سوڭعى جاڭالىقتار