ەلوردادا حالىقارالىق تۋريزم جانە قوناقجايلىق ۋنيۆەرسيتەتى اشىلماق
بۇگىندە دامىعان مەملەكەتتەردە وسى سالانىڭ تابىسى مۇناي ەكسپورتى مەن كولىك ساۋداسىنان تۇسەتىن پايدامەن پارا- پار. ماسەلەن 2017 -جىلى جاھاندا 1 ميلليارد 300 ميلليون ادام ساياحاتقا شىعىپ، 1,2 تريلليون دوللار اقشا جۇمساعان. مۇنىڭ ىشىندە قازاقستاننىڭ دا ۇلەسى بار. ءبىراق ازىرگە وتە از كولەمدە.
وسى ولقىلىقتىڭ ورنىن تولتىرىپ، تۋريزمنىڭ تامىرىنا قان جۇگىرتۋ ءۇشىن جاۋاپتى مينيسترلىك 2023 -جىلعا دەيىن جۇزەگە اسىرىلاتىن جۇمىستاردىڭ جوسپارىن قۇرعانىن ايتتىق. سونىڭ ءبىر سالاسى - تۋريستىك ورىنداردى ايقىنداۋ. ونداعى ينفراقۇرىلىمدى دامىتۋ.
قازىر 10 تۋريستىك ورىن تاڭدالدى. ولار - وڭتۇستىك- شىعىستاعى بالقاش پەن الاكول جاعالاۋلارى. شارىن كولىنەن 154 شاقىرىم قاشىقتىقتى بويلاي جاتقان شارىن شاتقالى. الماتى وبلىسىنداعى تاۋ كلاستەرى. تۇركىلەردىڭ بەسىگى تۇركىستان ءوڭىرى. نۇرا وزەنىنىڭ الابىنداعى تۇزدى كول - اشىسور تۋريستىك ايماعى، كوكشەتاۋداعى بۋراباي. يمانتاۋ- شالقار كۋرورتتىق ايماعى. سوسىن باياناۋىل بار. ەڭ سوڭعىسى - كوشپەلىلەر تاريحي ورتالىعى. بۇل وڭىرلەر دامىسا، ەل ەكونوميكاسىنا ايتارلىقتاي ۇلەس قوسارى ءسوزسىز.
ارىستانبەك مۇحامەدي ۇلى، ق ر مادەنيەت جانە سپورت ءمينيسترى:
- تۋريستىك قارتادا كورسەتىلگەن جەرلەردىڭ ينفراقۇرىلىمىن دامىتۋ ءۇشىن جۇيەلى جۇمىستار اتقارىلىپ جاتىر. جوبالاردىڭ %70- ى جەكە ينۆەستورلاردىڭ قارجىسىنا سالىنادى دەگەن ءۇمىت بار. %30- ىنا مەملەكەتتىك قولداۋ كورسەتىلەدى. ەگەر جوسپارىمىز ويداعىداي ىسكە اساتىن بولسا، وتاندىق جانە شەتەلدەن كەلگەن تۋريستەردىڭ سانى 4,2 ەسە ارتادى. 60 مىڭ جاڭا جۇمىس ورنى اشىلادى. سونىمەن قاتار 6 ميلليارد دوللار ينۆەستيتسيا تارتىلادى. بۇل جالپى قوسىلعان قۇنعا جىلىنا 6 جارىم ميلليارد دوللار كىرىس اكەلەدى.
تۋريزمدى دامىتۋدىڭ تاعى ءبىر ءتيىمدى تۇسى - بىلىكتى مامان دايارلاۋ. وسى ماقساتتا ەلوردادا تۋريزم جانە قوناقجايلىق حالىقارالىق ۋنيۆەرسيتەتى اشىلماق. مۇنداعى وقىتۋ جۇيەسىنە الەمدەگى ەڭ ۇزدىك زالتسبۋرگ، ا ق ش، اراب امىرلىگى مەن شۆەيتساريا سىندى ەلدەردەگى ۋنيۆەرسيتەتتەردىڭ تاجىرىيبەلەرى ەنگىزىلەدى. ال تۇلەكتەرىنە حالىقارالىق دارەجەدەگى ديپلوم بەرىلەدى.
www.24.kz