فرانسۋز ازاماتى ءۇي ءىشىن زووباققا اينالدىردى

استانا. قازاقپارات - ءبىر ءۇي ىشىندە ەكى مەترلىك قولتىراۋىنمەن ءومىر ءسۇرۋ دەگەن كوپشىلىكتىڭ زارەسىن ۇشىرۋى مۇمكىن. ءبىراق فيليپپ جييە ەسىمدى فرانسۋز ءۇشىن بۇل ۇيرەنشىكتى جاعداي.

 ونىڭ ەكى بىردەي الليگاتورى بار. جۇرەك جۇتقان ەر ادامنىڭ ۇيىندە، سونىمەن قاتار 400-گە جۋىق باۋىرىمەن جورعالاۋشى ءومىر سۇرەدى. ولاردىڭ اراسىندا ۋلىلارى دا بار. مىسالى، ىسىلداعان جىلان مەن بۇيىعى بۇيە. جييە ولاردى ونداعان جىل بويى جيناپتى. ايتۋىنشا، رەپتيليالاردى ءوز بەتىمەن اسىراۋ قيىنعا سوعادى. سوندىقتان وعان ارا- تۇرا ەرىكتىلەر قولعابىس ەتەدى. ول جىلىنا بىرنەشە مارتە فرانسيانىڭ ءبىرقاتار قالاسىن باۋىرىمەن جورعالاۋشىلارىمەن ارالاپ قويىلىمدار قويىپ تۇرادى.

فيليپپ جييە:

- مەنىڭ ويىمشا، قورقۋدىڭ كەرەگى جوق. ولاردى كورگەندە، ادامدارىڭ زارە- قۇتى قاشىپ جاتادى. مىسالى، مىنا كىشكەنتاي كەسىرتكە ەندى- ەندى قولعا ۇيرەنىپ كەلەدى. ادامدار تابيعاتپەن ۇيلەسىمدە ءومىر ءسۇرۋى كەرەك دەپ ەسەپتەيمىن.

www.24.kz