شىمبۇلاققا قىس كەلدى

الماتى. قازاقپارات - سوڭعى ەكى كۇندە وڭتۇستىك استانانىڭ ءار تارابىندا قار ارالاس جاڭبىر جاۋىپ، قايتالانباس اۋا رايى الماتىلىقتاردى تاڭ قالدىرىپ جاتىر، دەپ حابارلايدى قازاقپارات ءتىلشىسى.

الماتىدا بۇگىن قاتتى نوسەر جاۋىپ، اۋا تەمپەراتۋراسى 10 + گرادۋسقا دەيىن تومەندەپ كەتتى. تاڭەرتەڭ كۇنشۋاق شاشىپ، جازدىڭ شىرايىن ەسكە ءتۇسىرىپ تۇرعانىمەن، تۇسكە تاياۋ جەل سوعىپ، جاڭبىر جاۋا باستادى.

كارى قىستىڭ ايقىن بەلگىلەرى بۇل كۇندە «شىمبۇلاق» شيپاجايىندا ايقىن بايقالىپ قالعان. ول جەردە بۇرقاسىن سوعىپ، ءتىپتى كەي جەرگە ومبىلاپ كەشەتىندەي قار جاۋعان.

تاۋ شاڭعىلى شيپاجايدان حابارلانعانداي، جوعارى شىعۋدى كوزدەگەن جولاۋشىلار ءۇشىن تەحنيكانى توقتاتۋعا تۋرا كەلگەن. اسپالى جول تەك تومەن تۇسەتىندەرگە عانا جۇمىس ىستەدى. قىسقى تاۋ شاڭعىلى ماۋسىمنىڭ قاشان باستالاتىنى ءالى بەلگىسىز.

الماتىلىقتاردى اسىرەسە جەكسەنبى ەرەكشە تاڭ قالدىردى دەسە دە بولادى. ءبىر كۇندە جىلدىڭ بىرنەشە مەزگىلىن كورسەتكەن مۇنداي كۇن قايتالانا بەرمەيدى. الماتى وبلىسىنىڭ ىلە وزەنىنىڭ جاعاسىندا جازعى جايماشۋاق ۋاقىت بولىپ تۇرعانىمەن، الماتىنىڭ وزىندە ول جاقتان 10-15 گرادۋس تومەن تەمپەراتۋرا ساقتالىپ تۇردى. تاۋلارعا قار جاۋدى.

ايتا كەتسەك، بۇعان دەيىن سينوپتيكتەر 24 - قىركۇيەكتە الماتى، جامبىل، تۇركىستان، باتىس قازاقستان وبلىستارىندا جەل جىلدامدىعى 15-20 م/س- عا جەتىپ، اۋا رايىنىڭ بۇزىلاتىنىن، داۋىل تۇراتىنىن ەسكەرتكەن بولاتىن.

اۋدارما: ايان بەكەن ۇلى

Посмотреть эту публикацию в Instagram

Кто-то очень сильно открыл дверь в Нарнию, а мы этому и рады ❄😅❄ Приезжайте к нам на @shymbulakmountainresort лепить снеговиков ☃️

Публикация от Shymbulak Mountain Resort (@shymbulakmountainresort) 24 Сен 2018 в 4:52 PDT