سيريا مەن يراككا كەتكەن قازاقستاندىقتار سانى قانشالىقتى كوپ؟

استانا. قازاقپارات - ق ر سىرتقى ىستەر مينيسترىلىگى قارۋلى قاقتىعىستارعا كەتكەن ازاماتتاردىڭ سانىنا قاتىستى رەسمي مالىمەتتى جاريالادى.

اتالعان ستاتيستيكا كونسۋلدىق قىزمەتكەن تۇسكەن وتىنىشتەرگە نەگىزدەلىپ وتىر، دەپ حابارلايدى قازاقپارات ءتىلشىسى.

ق ر سىرتقى ىستەر مينيسترلىگىنىڭ باسپا ءسوز حاتشىسى ايبەك سمادياروۆتىڭ ايتۋىنشا، بۇگىندە قارۋلى قاقتىعىستارعا كەتكەن قازاقستاندىقتاردى جانە ولاردىڭ تۋعان-تۋىستارىن قايتارۋ بويىنشا ءتيىستى جۇمىستار اتقارىلىپ كەلەدى.

ولاردى ەلگە قايتارۋدىڭ سان الۋان جولدارى قارالۋدا. وسىعان بايلانىستى سىرتقى ىستەر مينيسترلىگى باسقا دا قۇزىرەتتى مەملەكەتتىك ورگاندارمەن بىرلەسىپ جۇمىس جاساپ جاتىر.

سەبەبى بارلىق اقپاراتتاردى جان-جاقتى تەكسەرۋ كەرەك.

«قازىرگى كەزدە كونسۋلدىق قىزمەت دەپارتامەنتىنە 20 دان استام ءوتىنىش ءتۇستى. سونىڭ ىشىندە قارۋلى قاقتىعىستارعا كەتكەن ازاماتتاردىڭ وزدەرى جانە ولاردىڭ تۋعان-تۋىستارى جازعان وتىنىشتەر بار»، - دەدى ا. سمادياروۆ استانادا وتكەن باسپا ءسوز ءماسليحاتىندا.

ونىڭ سوزىنە قاراعاندا، سيريانىڭ وزىندە رەسمي تۇردە 22 قازاقستان ازاماتى تىركەلگەن. ولاردىڭ بارلىعى - كونسۋلدىق قىزمەتتە تىركەۋگە تۇرعاندار.

«سونىڭ ىشىندە 21 ءى - سيريا ازاماتتارىنا تۇرمىسقا شىققان قازاقستاندىق قىز-كەلىنشەكتەر. تاعى ءبىر ادام - ەر ازامات. ول جۇمىس بابىمەن ءجۇر. قالعان ازاماتتارعا قاتىستى اقپارات جوق. سەبەبى ولار تىركەۋگە تۇرماعان. قازىرگى كەزدە ءبىز وسى ماسەلەمەن اينالىسىپ جاتىرمىز»، - دەپ اتاپ كورسەتتى ا. سمادياروۆ.