الماتىعا التىن كۇز كەلدى

الماتى. قازاقپارات - كۇزگى جاۋىن-شاشىن، بۇرشاق پەن العاشقى قار. بۇل بۇگىن الماتىلىقتار كۋا بولعان كورىنىستەر.

الداعى كۇندەرى مەگاپوليستەگى كۇن رايىنا قاتىستى بولجامدى قازاقپارات ءتىلشىسى انىقتاپ ءبىلدى.

تاڭەرتەڭ ۇيىتقىعان جەل سوعىپ، تۇسكە شەيىن جاۋىن جاۋدى. تۇستەن كەيىن جاڭبىر كۇشەيە ءتۇستى. تاۋلى ايماقتاعى تۇرعىندارىنىڭ ايتۋىنشا، وندا بۇرشاق جاۋىپ ارتى قارعا ۇلاسقان.

سينوپتيكتەردىڭ بولجاۋىنشا، وڭىردە التىن كۇز باستالعان جانە مۇنداي تابيعات قۇبىلىسى 15- قازانعا دەيىن سوزىلادى. بۇل ۋاقىتتا قىس الدىنداعى سوڭعى بۇرشاقتار جاۋادى.

ەرتەڭ، 25- قىركۇيەكتە قالادا اسپان اشىق، سونىمەن قاتار اپتا سوڭىنا دەيىن كۇن جىلى. اۋا تەمپەراتۋراسى +18 - +23 گرادۋس شاماسىندا بولادى.