ءتىس اعارتۋدىڭ ەڭ ءتيىمدى ءتاسىلى

استانا. قازاقپارات - اق مارجانداي اپپاق ءتىس كەز كەلگەن ادامعا جاراسادى. ارينە تىستەردى مامانعا كورسەتىپ، اۋرۋلارى بولسا ەمدەتىپ، اراسىندا تازالاتىپ تۇرۋ كەرەك.

سونداي-اق تىستەرىڭىزدى ۇيدە دە اعارتۋعا بولادى.

ءتىستىڭ ادەمى، ءتۇزۋ جانە اپپاق بولعانى كىمگە ۇناماسىن؟! ءبىراق، ءتىس سۇلۋلىعى ۇلكەن كۇتىمدى قاجەت ەتەدى.

ءتىس اعارتۋداعى ءبىرىنشى كومەكشى - اس سوداسى دەگەن پىكىر قالىپتاسقان. الايدا، ءبىز ءتىس ەمالىن قۇرتىپ الماي، سارعايۋمەن وڭاي كۇرەسۋدىڭ باسقا جولىن ۇسىنامىز. وڭاي، جىلدام جانە پايدالى! ول ءۇشىن:

ادەتتەگىدەي ءتىسىڭىزدى ءتىس پاستاسىمەن ىسىڭىز؛

ودان كەيىن، ءتىس شەتكاسىن جۋىپ، وعان ءبىر-ەكى تامشى شاي اعاشى (چاينوە دەريەۆو) مايىن تامىزىڭىز؛

ءتىسىڭىزدى ەكىنشى مارتە ىسىڭىز؛

اۋزىڭىزدى جىلى سۋمەن شايىڭىز.

ءتىسىڭىز جىلتىراپ، اعارا تۇسكەنىن ءبىرىنشى جۋعاننان-اق، بايقاۋعا بولادى.

بۇل ەمدىك شارانى اپتاسىنا 2-3 رەت جاساپ تۇرساڭىز جەتكىلىكتى. ۇزبەي قولدانىسقا ەنگەن بۇل ءادىس كوپ كۇتتىرمەي-اق، ءسىزدى ارمانداعان اپپاق ءتىستىڭ يەسى ەتەدى. وعان قوسا، اۋزىڭىزدان جاعىمسىز ءيىس شىقپايتىنىنا سەنىمدى بولاسىز.

ەسكەرتە كەتەيىك، ەشبىر قوسپاسىز وڭدەلگەن شاي اعاشى مايىن ءدارىحانادان ساتىپ الۋىڭىزعا بولادى.