قانات يسلام بوكستاعى مانسابىن اياقتادى ما؟
بوكسشىلار جايلى ماعلۇمات ۇسىناتىن سايتتا قازاقستاندىق بوكسشى پروفيلىنە «بەلسەندى ەمەس» دەپ جازىلعان.
بۇل كوبىنە سپورتشىنىڭ مانسابىن اياقتاعانى نەمەسە ۋاقىتشا توقتاتا تۇرعانى جايلى اقپار بەرەدى. وسىعان قاتىستى قازاقستاندىق بوكسشى Vesti.kz تىلشىسىنە از-كەم اقپارات بەرە كەتتى.
- بۇل اقپارات شىندىققا جاناسپايدى. قازىرگى تاڭدا العان جاراقاتىما بايلانىستى ەمدەلىپ ءجۇرمىن. الدا جەكپە-جەكتەرىمە دايىندىقتى باستايتىن بولامىن، - دەدى بوكسشى.
قانات يسلام سوڭعى رەت شارشى الاڭعا وتكەن جىلدىڭ قىركۇيەك ايىندا شىقتى. استانادا كانادالىق بوكسشى برەندون كۋكپەن جۇدىرىقتاسىپ، 9- راۋندتا تەحنيكالىق نوكاۋتپەن قارسىلاسىن جەڭگەن بولاتىن. ودان كەيىنگى جەكپە-جەگىن بيىل 23- ماۋسىم كۇنى وتكىزەتىنى بەلگىلى بولعان ەدى. الايدا وتانداسىمىز جاتتىعۋ كەزىندە جاراقات الىپ، جەكپە-جەك وتپەي قالدى.
ايتا كەتەيىك، قانات يسلام اقپان ايىندا تانىمال مەنەدجەر ەگيس كليماسپەن كەلىسىمگە كەلىپ، ا ق ش- تاعى جاتتىعۋىن باستاعان ەدى. سپورتشى 2011-جىلدان بەرى كاسىپقوي بوكستا قازاق ەلىنىڭ اتىنان باق سىناپ كەلەدى. ال وعان دەيىن قىتاي ەلىندە ءجۇرىپ وليمپيادا ويىندارىنىڭ (2008 ج) جانە الەم چەمپيوناتىنىڭ (2007 ج) قولا جۇلدەگەرى اتانعان-دى. بۇگىن بوكسشى الماتىدا 2019-جىلى كراسنويارسكىدە وتەتىن قىسقى ۋنيۆەرسيادا ويىندارىنىڭ الاۋ ەستافەتاسىنا قاتىستى.