ب ۇ ۇ باس اسسامبلەياسىندا ەلباسى باستاماسىمەن جاسالعان كودەكس تانىستىرىلادى

استانا. قازاقپارات - ق ر سىرتقى ىستەر ءمينيسترى قايرات ءابدىراحمانوۆ ب ۇ ۇ باس اسسامبلەياسىندا ءسوز سويلەيدى، دەپ حابارلايدى قازاقپارات ءتىلشىسى.

مينيسترلىكتىڭ باسپا ءسوز حاتشىسى ايبەك سمادياروۆتىڭ ايتۋىنشا، نيۋ-يورك قالاسىندا ب ۇ ۇ باس اسسامبلەياسىنىڭ 73-سەسسياسى ءوتىپ جاتىر. كۇن تارتىبىندە حالىقارالىق قاۋىپسىزدىك پەن بەيبىتشىلىك، تۇراقتى دامۋ، ادام قۇقىقتارى، قارۋسىزدانۋ، سوت تورەلىگىن نىعايتۋ جانە حالىقارالىق قۇقىقتى دامىتۋ بويىنشا 175 تەن استام ماسەلە بار. قازاقستاننىڭ دەلەگاتسياسى جالپى دەباتتارعا دا قاتىسادى. «24-29- قىركۇيەك ارالىعىندا كوپجاقتى جانە ەكىجاقتى ءبىرقاتار شارالار جوسپارلانعان. ال 28- قىركۇيەكتە قازاقستاننىڭ سىرتقى ىستەر ءمينيسترى ءسوز سويلەيدى. سەسسيادا قازاقستان ءۇشىن باستى وقيعالاردىڭ ءبىرى - «تەرروريزمنەن ازات الەمگە قول جەتكىزۋ» مىنەز-قۇلىق كودەكسىنىڭ تانىستىرىلىمى. بۇل قۇجات قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسىمەن جاسالعان.

كودەكستىڭ نەگىزگى ماقساتى 2045-جىلى ب ۇ ۇ 100 جىلدىعىنا وراي تەرروريزمگە قارسى كۇرەس جانە تەرروريزمنەن ەركىن الەمگە قول جەتكىزۋ بويىنشا سەرىكتەس ەلدەردىڭ حالىقارالىق كواليتسياسىن قۇرۋ بولىپ تابىلادى»، - دەدى ا. سمادياروۆ استانادا وتكەن باسپا ءسوز ءماسليحاتىندا.