02:06, 25 - قىركۇيەك 2018 | GMT +6
قاتتى داۋىلدان جەرگە قونا الماعان ۇشاق قايتادان كوككە ۇشىپ كەتتى
استانا. قازاقپارات - AirFrance اۋە كومپناياسىنىڭ ۇشاعى بريتانيالىق اۋەجايداعى قونۋ جولاعىنا توقتاي المادى.
وعان داۋىلدى اۋا-رايى كەدەرگى بولعان دەپ حابارلايدى Oxu.Az سايتى.
وقيعا بيرمينگەم حالىقارالىق اۋەجايىندا ورىن العان.
جەلىدە تاراعان ۆيدەوجازبادا لاينەر قونۋعا قانشا تالپىنىس جاساعانىمەن، ۇشاقتى جەل ايداپ اكەتكەنىن بايقاۋعا بولادى.
وسىدان كەيىن پيلوت اسپانعا قايتا كوتەرىلۋگە شەشىم قابىلدايدى.
ايتا كەتەرلىگى، ۇلى بريتانياداعى قولايسىز اۋا-رايى «الي» قۇيىنىنىڭ اسەرىنەن بولعان.