قازاقستاننىڭ قاي وڭىرلەرىندە جەمقورلىق دەڭگەيى جوعارى؟
بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى جاننا باستاروۆا ايتتى، دەپ حابارلايدى قازاقپارات ءتىلشىسى.
رەسمي وكىلدىڭ ايتۋىنشا، اعىمداعى جىلدىڭ 8 ايىندا ەلىمىزدە 1393 جەمقورلىق قىلمىسى تىركەلگەن. ولاردىڭ باسىم بولىگى، اتاپ ايتقاندا 112 ءسى ەلوردادا انىقتالعان.
«ويتكەنى، مەملەكەتتىك قىزمەتىشلەردىڭ باسىم بولىگى استانادا تۇرىپ، جۇمىس ىستەيدى. بۇل جەردە بارلىق مەملەكەتتىك ورگاندار شوعىرلانعان. مۇنان كەيىنگى ورىندا قوستاناي مەن تۇركىستان وبلىستارى تۇر. بۇل وڭىرلەردە جاسالعان جەمقورلىق قىلمىستار سايكەسىنشە 109 جانە 108 ءدى قۇرايدى. جەمقورلىقتىڭ ەڭ تومەنگى دەڭگەيى سولتۇستىك قازاقستان وبلىسىندا تىركەلگەن. اتالعان وڭىردە 8 ايدىڭ ىشىندە مۇنداي 52 قۇقىق بۇزۋشىلىق ورىن العان»، - دەدى ول.
ونىڭ دەرەگىنشە، جەمقورلىق فاكتىسى ءۇشىن جاۋاپقا تارتىلعان 813 ادامنىڭ 653 ءى ەرلەر، 160 سى ايەلدەر.
«جەمقورلىق قىلمىس جاساعانى ءۇشىن رەسپۋبليكالىق دەڭگەيدەگى - 19، وبلىستىق دەڭگەيدەگى - 62 جانە اۋداندىق دەڭگەيدەگى 115 باسشى جاۋاپكەرشىلىككە تارتىلدى»، - دەدى جاننا باستاروۆا.
سونىمەن قاتار رەسمي وكىل 8 ايدىڭ ىشىندە ۇلتتىق بيۋرو 400 گە جۋىق بيزنەستىڭ قۇقىعىن قورعاعاندىعىن اتاپ ءوتتى.