قازاقستاندا تۋريستىك پوليتسيا قۇرىلۋى مۇمكىن

استانا. قازاقپارات - ق ر ىشكى ىستەر مينيسترلىگى «تۋريستىك پوليتسيانى» قۇرۋدى ۇسىندى.

بۇل جايىندا ماجىلىستەگى ۇكىمەت ساعاتىندا ق ر ءى ءى م كوشى-قون قىزمەتى كوميتەتىنىڭ ءتوراعاسى مۇرات قابدەنوۆ ءمالىم ەتتى، دەپ حابارلايدى قازاقپارات ءتىلشىسى.

«قازىر تۋريستىك سالانى قولداۋ بويىنشا مەملەكەتتىك باعدارلامانى ازىرلەۋ جونىندە مادەنيەت جانە سپورت مينيسترلىگىمەن تىعىز بايلانىستا جۇمىس ىستەپ جاتىرمىز. وسى ورايدا بولاشاقتا «تۋريستىك پوليتسيانى» قۇرۋ باعىتى تاقىلانۋدا. ولار تۋريستەرمەن تىكەلەي جۇمىس ىستەيدى. بۇل تۇرعىدا ءتيىستى قىزمەتتەر ەسكەرىلمەك. اتاپ ايقاندا، بۇگىندە حالىقارالىق تاجىريبەنى زەردەلەۋدەمىز»، - دەدى م. قابدەنوۆ.

سونىمەن قاتار دەپۋتاتتار تاراپىنان كەلەتىن تۋريستەرگە قاتىستى قۇقىق قورعاۋ ورگاندارى قىزمەتكەرلەرىنىڭ ادەبى مەن مادەنيەتى بويىنشا كوتەرىلىپ جۇرگەن سىني پىكىرلەر تۋرالى سۇراق قويىلدى.

«قۇقىق قورعاۋ قۇرىلىمدارىنىڭ قىزمەتى تۋرالى كەيبىر تەرىس پىكىرلەرگە توقتالىپ وتەيىن. شىنىمەن دە، وسىنداي جاعدايلار ورىن العان، الايدا ول جاپپاي سيپاتقا يە ەمەس. پوليتسەيلەر جول بەرگەن جەكەلەي بۇزۋشىلىقتار بويىنشا وزىندىك قاۋىپسىزدىك دەپارتامەنتى قىزمەتتىك تەكسەرۋ جۇرگىزەدى. بۇل رەتتە قىزمەتكەرلەر تارتىپتىك جاۋاپكەرشىلىككە تارتىلادى. نەگىزىنەن، تەرىس پىكىرلەرگە قاراعاندا، قىزمەتكەرلەردىڭ قىزمەتىنە قاتىستى وڭ كوزقاراستىڭ ۇلەسى باسىم»، - دەدى مۇرات قابدەنوۆ.

بۇگىن ۇكىمەت ساعاتىندا سونداي-اق شەتەلدىكتەر قازاقستانعا رەپرودۋكتيۆتى مەديتسينا ءۇشىن كەلەتىنى ايتىلدى.

مادەنيەت جانە سپورت ءمينيسترى ارىستانبەك مۇحامەدي ۇلىنىڭ سوزىنە قاراعاندا، قازاقستان توپ-10 تۋريستىك نىساندارىن ينۆەستورلارعا تانىستىرادى.

سونىمەن قاتار، 2019-جىلى قازاقستاندا اۋە بيلەتتەرىنىڭ قۇنى ارزانداۋى مۇمكىن.