ۆيزانى ەلەكتروندىق تۇردە راسىمدەۋ قاشان باستالادى

استانا. قازاقپارات - بۇگىن پارلامەنت ماجىلىسىندە تۋريستىك سالانى دامىتۋعا ارنالعان ۇكىمەت ساعاتىندا مادەنيەت جانە سپورت ءمينيسترى ارىستانبەك مۇحامەدي ۇلى ەلەكتروندىق ۆيزا تەتىگى قاشان ەنگىزىلەتىنىن ايتتى، دەپ حابارلايدى قازاقپارات ءتىلشىسى.

«قازاقستانعا تۋريستىك اعىمداردىڭ ارتىپ وتىرعانىنا ءبارىمىز كۋاگەرمىز، ول EXPO-2017 وتكەن جىلداعى جوعارى بازانىڭ اياسىندا تاريحي قۇبىلىس بولىپ تابىلادى. قاڭتار- ماۋسىم ايلارىندا بىلتىرعى جىلدىڭ وسىنداي كەزەڭىمەن سالىستىرعاندا كەلۋ تۋريزمى 22 پايىزعا ءوسىپ، 4,2 ميلليون ادامعا جەتتى. ال وتاندىق تۋريزم 7 پايىزعا ارتقانىن ماقتانىشپەن ايتامىز»، - دەدى مينيستر.

ا. مۇحامەدي ۇلى، ساياسي تۇراقتى جانە دامىعان 64 ەلدىڭ ازاماتتارى تۋريستىك جانە باسقا ماقساتتار ءۇشىن قازاقستانعا ۆيزاسىز كىرۋگە قۇقىلى ەكەنىن ەسكە سالىپ ءوتتى.

«2018 -جىلدىڭ سوڭىنا دەيىن الماتى مەن استانا قالالارى ارقىلى قىتاي مەن ءۇندىستان ازاماتتارى ءۇشىن 72 ساعاتتىق ۆيزاسىز ترانزيت ەنگىزىلدى. ناتيجەسىندە، قازاقستاننان قىتايعا ترانزيت اعىمى 60 پايىزعا ءوستى، قالاعا 17 مىڭنان استام شەتەلدىك كەلدى. جىل سوڭىنا دەيىن استانا مەن الماتى اۋەجايلارىندا قانات قاقتى رەجىمدە 128 مەملەكەت ازاماتتارىنا، سونىڭ ىشىندە ءۇندىستان، قىتاي، يران، پارسى شىعاناعى ەلدەرىنە ارنالعان ەلەكتروندىق ۆيزا تەتىگى ىسكە قوسىلاتىن بولادى. وكىنىشكە قاراي، بۇكىل دۇنيەجۇزى ەلەكتروندىق ۆيزامەن جۇمىس ىستەپ جاتقاندا، ءبىز ءالى دە كەزەككە تۇرىپ، قولمەن تولتىرىپ جاتىرمىز. بۇل ۆيزانى الۋ مەرزىمىن بەس كۇنگە قىسقارتادى جانە پروتسەستى ەداۋىر جەڭىلدەتەدى»، - دەدى ۆەدومستۆو باسشىسى.

ونىڭ اتاپ وتۋىنشە، وزبەكستانمەن شەكارالىق تۋريستىك مارشرۋتتاردى ىلگەرلەتۋ ءۇشىن «Silk Way Visa» اياسىندا ۆيزالاردى ءوزارا تانۋ مەحانيزمى تالقىلانۋدا. قازاقستان- قىرعىزستان مەملەكەتتىك شەكاراسىندا ۋاقىتشا تۋريستىك وتكەلدەردىڭ اشىلۋىنا جانە تىكۇشاق پاركىنىڭ قىزمەت كورسەتۋىنە بايلانىستى قازاقستان 17 جىل ىشىندە العاش رەت ورتالىق تيان- شاندا ستراتەگيالىق ارتىقشىلىققا يە بولدى.

اۆتور: رۋسلان عابباسوۆ