14:45, 24 - قىركۇيەك 2018 | GMT +6
تۇركىستاننىڭ ەجەلگى ساۋلەتى قالپىنا كەلتىرىلەدى - مادەنيەت ءمينيسترى
استانا. قازاقپارات - تۇركىستاننىڭ ەجەلگى ساۋلەتتىك كەلبەتى قالپىنا كەلتىرىلەدى. بۇل تۋرالى پارلامەنت ماجىلىسىندە تۋريستىك سالانى دامىتۋعا ارنالعان ۇكىمەت ساعاتىندا مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات ءتىلشىسى.
«تۇركىستان بويىنشا توپ-10 تۋريستىك كارتا نىساندارى اياسىندا جۇمىستار جۇرگىزىلۋدە. ەلباسى ايتىپ وتكەندەي: «تۇركىستان ەجەلدەن بەرى ءبىرتۇتاستىق فۋنكسياسىن جوعالتقان جوق. بۇل تۇركىتىلدەس ەلدەردى بىرىكتىرۋدىڭ نەگىزى بولىپ تابىلادى». وسىعان بايلانىستى قالانى دامىتۋدىڭ ساۋلەتتىك تۇجىرىمداماسى تۋريستىك مۇددەنىڭ ماگنيتى بولىپ تابىلاتىن قوجا احمەت ياساۋي كەسەنەسىنىڭ اينالاسىنداعى جىبەك جولى ءداۋىرىنىڭ ەجەلگى ۇلىلىعىنىڭ ءتۇپنۇسقالىق بەينەلەرىن قالپىنا كەلتىرۋگە باعىتتالعان»، - دەدى مينيستر.
ونىڭ سوزىنە قاراعاندا، تۇركىستان تۇركى الەمىنىڭ مادەني- رۋحاني استاناسى عانا ەمەس، سونىمەن قاتار بۇكىل الەمدە تانىمال ەلىمىزدىڭ برەندى بولۋى ءتيىس.
اۆتور: رۋسلان عابباسوۆ