ەكونوميكا ءمينيسترى: اقشانى دوللارعا سالعان، ونى كومگەنمەن بىردەي

 استانا. قازاقپارات - ەكونوميكا ءمينيسترى تيمۋر سۇلەيمەنوۆ ك ت ك ارناسىنىڭ جۇرگىزۋشى ارتۋر پلاتونوۆقا بەرگەن سۇحباتىندا قازاقستاندىقتارعا اقشانى دوللاردا ساقتاماۋعا كەڭەس بەردى.

«اركىم ءوزىنىڭ قارجىلىق ستراتەگياسىن تاڭدايدى. بىرەۋ اقشانى پاتەرگە سالعىسى كەلەدى، ەكىنشىسى جەرگە، تاعى دا باسقا بىرەۋ كاسىپكە، بالالارىنىڭ بىلىمىنە، تاربيەگە، مادەنيەتكە، دوللارعا سالعىسى كەلەدى. بۇل ءار ازاماتتىڭ شەشىمى. ءبىز ەشبىر جاعدايدا وعان بۇيرىق بەرمەۋىمىز كەرەك»، - دەيدى سۇلەيمەنوۆ.

سونىمەن قاتار، ول اقشانى دوللارعا سالۋ - ولاردى كومۋمەن بىردەي ەكەنىن دە ايتتى.

«بالالاردىڭ بىلىمىنە، تەك ۆاليۋتانىڭ اۋىتقۋىنا بايلانىستى تۇرلەنەتىن ەمەس، كەرىسىنشە جاڭا نارسەنىڭ پايدا بولۋىنا، شىعۋىنا بايلانىستى داميتىن كاسىپكە سالۋ كەرەك. بارلىق جاعدايدى ەلباسى جاساپ قويدى. بىزدە كاسىپتىڭ جول كارتاسى، جاپپاي كاسىپكەرلىكتىڭ باعدارلاماسى بار. وسىعان بىزگە الەۋمەتتىك باستامانىڭ نەگىزىندە قوسىمشا تۇردە اقشا بەردى. بار بولعانى قۇشتارلىق كەرەك»، - دەدى مينيستر.

Stan.kz