يراندا جالپى ۇلتتىق ازا تۇتۋ كۇنى جاريالاندى

تەگەران. قازاقپارات - يراندا ەلدىڭ وڭتۇستىك- باتىسىنداعى احۆاز قالاسىندا بولعان لاڭكەستىك وقيعاسىنا بايلانىستى جالپى ۇلتتىق ازا تۇتۋ كۇنى جاريالاندى، دەپ حابارلايدى قازاقپارات ي ر ن ا- عا سىلتەمە جاساپ.

«احۆازدا بولعان كەشەگى تەراكت يراننىڭ دۇشپاندارى تەك ەلدى جانە يراندىقتاردى جويۋعا ۇمتىلىپ وتىرعانىن كورسەتتى»، - دەلىنگەن ەل ۇكىمەتىنىڭ جەكسەنبى كۇنى تاراتقان مالىمدەمەسىندە.

يران ۇكىمەتى ءوز مالىمدەمەسىندە، سونداي- اق بارلىق وڭىرلىك مەملەكەتتەردى اتالمىش قىلمىسقا قاتىستى بار بارلىق تەرروريستىك توپتارعا قاتاڭ تۇردە قارسى تۇرۋعا شاقىردى.

ەلدە دۇيسەنبى، 24 -قىركۇيەك كۇنى جالپىۇلتتىق ازا تۇتۋ كۇنى بولىپ بەلگىلەندى. تەرراكتىدە قازا بولعانداردى جەرلەۋ ءراسىمى احۆازدا وتەدى.

ەسكە سالايىق، سەنبى كۇنى وتكەن اسكەري پارادتا جاسالعان تەرراكتى سالدارىنان سوڭعى مالىمەتتەر بويىنشا، 25 ادام اجال قۇشتى، تاعى 60-ى زارداپ شەكتى. تريبۋنانىڭ ارتىندا تۇرعان اسكەري كيىمدەگى ادامدار ادامدارعا وق جاۋدىرا باستاعان.

 لاڭكەستىك ءۇشىن جاۋاپكەرشىلىكتى «ال- احۆازيا» سەپاراتيستىك توبى ءوز موينىنا الدى. كەيىن جاۋاپكەرشىلىكتى سونداي- اق دايش (قازاقستاندا جانە وزگە ءبىرقاتار ەلدەردە تىيىم سالىنعان) تەرروريستىك توبى الدى.