بريتانيا ەۋرووداقتان كەلىسىمسىز دە شىعا الادى- ۇلى بريتانيا پرەمەر- ءمينيسترى
ءبىرىنشىسى - ۇلى بريتانيا ەۋروپا وداعىنان شىققاننان كەيىنگى ەك تاراپ اراسىنداعى ەكونوميكالىق قارىم- قاتىناس، ەكىنشىسى - سولتۇستىك يرلانديا مەن يرلانديا رەسپۋبليكاسى اراسىنداعى شەكارا ماسەلەسى.
مەي بۇل تۋرالى اۆستريانىڭ زالتسبۋرگ قالاسىندا باس قوسقان ەۋروپا وداعى ليدەرلەرى بريتان ۇكىمەتىنىڭ بۇل ەكى ماسەلەگە قاتىستى ۇسىنىسىن قابىلداۋدان باس تارتقاننان كۇننىڭ ەرتەسىندە، قىركۇيەكتىڭ 21-ىندە تەلەارنادان مالىمدەگەن. ول ءوز كەزەگىندە لوندوننىڭ ەۋروپا وداعىنىڭ ۇسىنىسىمەن كەلىسپەيتىندىگىن ايتقان.
مەيدىڭ سوزىنشە، ۇكىمەت ەۋروپا وداعىمەن كەلىسىمگە كەلۋگە تىرىسىپ كورەدى، ءبىراق، ەگەر كەلىسىمگە قول جەتكىزە الماسا، وندا ۇلى بريتانيا ەۋروپا وداعى قۇرامىنان ونىمەن كەلىسىم بەكىتپەي دە شىعا بەرەدى. «ناشار كەلىسىمنەن گورى كەلىسىم بولماعانى جاقسى»، - دەگەن ول.
تەرەزا مەي ۇلى بريتانيانىڭ ەۋروپا وداعى قۇرامىنان شىعۋى تۋرالى رەفەرەندۋم قورىتىندىسىن قايتا قاراۋ - دەموكراتياعا جاسالعان سوققى بولاتىندىقتان وندايعا قارسى ەكەنىن ايتتى.
بۇعان دەيىن ۇلى بريتانيا ەۋروپا وداعى قۇرامىنان 2019 -جىلعى ناۋرىزدىڭ 29-ىنا دەيىن شىعادى دەپ حابارلانعان. ءبىراق وعان دەيىن لوندون مەن بريۋسسەل brexit شارتتارى تۋرالى ءوزارا كەلىسىمگە كەلە الا ما، ەگەر ونداي كەلىسىم بەكىتىلمەسە نە بولادى - ول جاعى ازىرشە بەلگىسىز.
www.azattyq.org