الەمدەگى ەڭ قاۋىپسىز قالانى بىلەسىز بە

استانا. قازاقپارات - قوعامدىق پىكىردى ونلاين- ساۋالناما ارقىلى تالدايتىن Numbeo قىزمەتىنىڭ سايتىندا 2018 -جىلدىڭ ەڭ قاۋىپسىز قالالارىنىڭ ءتىزىمى جاريالاندى، دەپ حابارلايدى قازاقپارات ءتىلشىسى.

345 قالاداعى قىلمىس دەڭگەيى بويىنشا جاڭارتىلعان تىزىمگە سايكەس، ب ا ءا استاناسى ءابۋ- دابي ەڭ قاۋىپسىز قالا دەپ تانىلدى. شاھارداعى قىلمىس يندەكسى نەبارى 11,62 پايىز، ال قاۋىپسىزدىك يندەكسى 88,38 پايىزدى قۇرادى.

 كاتار استاناسى دوحا قالاسى رەيتينگتىڭ ەكىنشى ورنىنا تابان تىرەدى. مۇنداعى قىلمىس يندەكسى - 12,19 پايىز، ءۇشىنشى ورىندا جاپونيانىڭ وساكا (16,01 پايىز) قالاسى تۇر.

سونداي- اق، ەڭ قاۋىپسىز قالالاردىڭ وندىعىنا كۆەبەك (كانادا)، سينگاپۋر، بازەل (شۆەيتساريا)، توكيو (جاپونيا)، دۋباي (ب ا ءا) جانە ميۋنحەن (گەرمانيا) كىردى.