حالىقارالىق كوشپەندىلەر تاعامى سايىسىندا قازاقستان اسپازدارى جەڭىسكە جەتتى
كوشپەلى حالىقتاردىڭ ۇلتتىق تاعامدارىن ازىرلەۋدەن جارىسقا تۇسكەن 14 كوماندا بارلىعى 12 ءتۇرلى اس ازىرلەدى.
ءادىلقازىلار تاعامداردىڭ ەرەكشە دامىنەن بولەك، قايتالانباس قۇرامى، استىڭ اسپەتتەلۋى مەن بەلگىلەنگەن ۋاقىتتا دايىندالۋى بويىنشا باعالادى.
«بارلىق كوماندا اس ازىرلەۋدە قۇرامى جاعىنان دا، ءدامى جاعىنان دا ءبىر- ءبىرىن قايتالاماۋىمەن ەرەكشەلەندى. ءوزىم قازاقتىڭ ۇلتتىق تاعامدارىن ازىرلەۋشى اسپاز بولعاندىقتان، مەن ءۇشىن تاعامنىڭ ءدامدى عانا بولۋى ەمەس، سونىمەن قاتار قاندايدا وزىندىك ۇلتتىق ماندە بولۋى ماڭىزدى، ياعني كەز كەلگەن ادام استىڭ ءدامىن كورگەندە، بىردەن قانداي جانە قاي ەلدىڭ تاعامى ەكەنىن اجىراتا بىلەتىندەي. بۇگىن بارلىق اسپازدار جارادى، مەن ەشكىمدى ءبولىپ جارىپ، بولەكتەگىم كەلمەيدى. دەگەنمەن ءبىزدىڭ وتاندىق اسپازدار وزدەرىنىڭ ۇزدىك ەكەنىن دالەلدەي ءبىلدى»، - دەدى باس اسپاز، ءادىلقازىلار مۇشەسىنىڭ ءتوراعاسى ارتەم كانسيەۆ.
حالىقارالىق «Nomad Food» كوشپەندىلەر تاعامدارى سايىسىنىڭ جەڭىمپازدارى:
1 - ورىن قازاقستان اسپازدار كومانداسى
2 - ورىن كومانداسى رۋمىنيا اسپازدار كومانداسى
3- ورىن كومانداسى وزبەكستان اسپازدار كومانداسى
بارلىق كوماندا مۇشەلەرىنە حالىقارالىق اسپازدار فەستيۆالىنە قاتىسقانىن راستايتىن ارنايى سەرتيفيكات پەن باعالى سىيلىقتار بەرىلدى.
بۇعان دەيىن حابارلاعانىمىزداي بۋرابايدا تۇڭعىش رەت «Nomad Food» حالىقارالىق گاسترونوميالىق فەستيۆالى ءوتتى.
اۆتور: داۋلەت ىزتىلەۋ