ەلباسى ۆەتنام پرەزيدەنتى چان داي كۋانگتىڭ قايتىس بولۋىنا بايلانىستى كوڭىل ايتتى

استانا. قازاقپارات - نۇرسۇلتان نازاربايەۆ ۆەتنام سوتسياليستىك رەسپۋبليكاسى ۇلتتىق جينالىسىنىڭ ءتورايىمى نگۋەن تحي كيم نگانعا كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى ۆەتنام سوتسياليستىك رەسپۋبليكاسىنىڭ پرەزيدەنتى چان داي كۋانگتىڭ قايتىس بولۋى تۋرالى حاباردى زور كۇيزەلىسپەن قابىلدادى. «وسى قايعىلى ساتتە ورنى تولماس قازاعا ورتاقتاسا وتىرىپ، سىزگە، مارقۇمنىڭ وتباسىنا جانە تۋعان- تۋىستارىنا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. چان داي كۋانگ بار عۇمىرىن ۆەتنامنىڭ دامۋى مەن وركەندەۋىنە، حالىقارالىق ارەناداعى بەدەلىن ارتتىرۋعا ارنادى. ول ەلدەرىمىز اراسىنداعى دوستىق جانە سەرىكتەستىك قارىم- قاتىناستاردى نىعايتۋعا زور ۇلەس قوسقان كورنەكتى قايراتكەر رەتىندە قازاقستاندىقتاردىڭ ەسىندە قالادى»، - دەلىنگەن جەدەلحاتتا.